Tragjedi në Gjermani, kosovari ekzekuton familjen

Tragjedi në Gjermani, kosovari ekzekuton familjen

Një vrasje e rëndë ka ndodhur në landin e Bavarisë në Gjermani, ku një shqiptar nga Kosova ka vrarë familjen e tij dhe veten.
Ngjarja e cila tronditi opinionin publik, ndodhi kur kryefamiljari Ajet K., 40 vjeç, për të cilin nuk tregohet se nga cili qytet i Kosovës është me origjinë, ka shtënë me revole kundër bashkëshortes së tij, Dinore K., dhe të birit Aulonit.
Para se Ajet K. të shtinte me armë mbi gruan dhe njërin fëmijë, bashkëshortja e tij kishte arritur ta lajmëronte policinë.
Sipas medieve gjermane, edhe fqinjët kishin dëgjuar të shtëna dhe kishin lajmëruar policinë, e cila disa minuta më vonë kishte arritur dhe i kishte gjetur të vdekur djalin pesëvjeçar dhe të atin, babanë e tij.
Nëna e fëmijës ishte e plagosur dhe në gjendje të rrezikut për jetën. Ndërsa djali tjetër, Ronarti, dy vjeç, nuk kishte lëndime dhe tani për të përkujdeset një ekip për intervenime në kriza. /Zhurnal/Koha/Telegrafi/