Familja Haxhiaj, pronarë tokash, të varfër

Feriz Haxhiaj, njeriu që zgjodhi të tërheqë vëmendjen e opinionit publik dhe institucioneve shtetërore për pronat e përvetësuara pa të drejtë, është banor i lagjes 8 të qytetit bregdetar.


Ai jeton vetë i gjashti në një dhomë prej 40 metrash katrore, bashkë me gruan, dy djemtë dhe dy vajzat e tij. Menjëhere pasi ka dhënë dëshminë e vet në Policinë e Tiranës, ai është kthyer pranë familjarëve duke mos dashur të komunikojë me asnjë publikisht dhe shpresuar në zgjidhjen e cështjes së tij.

Eshte i papune dhe e gjithe familja jeton me nje rroge te vogel te bashkeshortes, nderkohe qe nuk mund te gezojne dhe shfrytezojne truallin qe ai dhe 6 vellezerit e tjere kane trasheguar nga babai. Te persekutuar gjate regjimit komunist, vellezerit Haxhiaj me origjine nga Kosova kerkuan qe ne vitin 1993 t’u njihen zyrtarisht kufijte e prones se tyre ne Shkozet te Durresit, ne token ku dikur ngrihej NSHN-ja.

Toka e tyre, sipas deklarimeve te Ferizit dhe vellezerve te tij, u privatizua pa te drejte nga ish-drejtori i ndermarrjes dhe disa punonjes te saj dhe me pas eshte copetuar duke iu shitur emrave te ndryshem mes te cileve dhe njerez te njohur te politikes ne Durres dhe ish-deputete.

Jane 50 dynyme toke truall qe Haxhiajt pretendojne se u perket ne kete pjese te qytetit bregdetar dhe njeri prej vellezerve, Ferizi zgjodhi tentativen per hedhje nga taraca e nje pallati bashke me tre nga femijet ne shenje proteste per nje shtet qe nuk te jep ate qe te takon.