Obelisk te ish-busti i Enverit

Dy javë pas nisjes së punimeve për zbatimin e projektit belg për sheshin “Skënderbej”, Shoqatat e ish-të Përndjekurve Politike kanë kërkuar ndryshimin e projektit.

Kërkesa e tyre nuk ka të bëjë me asnjërën nga pikat e mosmarrveshjes mes bashkise dhe qeverisë, por për ndryshimin e projektit tek vendi ku deri 19 vjet me pare ngrihej busti i diktatorit Enver Hoxha. Ish-të përndjekurit kërkojnë atje ngritjen e Obeliskut në përkujtim të viktimave të regjimit komunist dhe kryetari i njërës prej shoqatave, Besim Ndregjoni, beson se kryetari i bashkise Edi Rama do ta përmbushe këtë kërkesë.

“Në vitin 2006 eshte vendisur qe ketu te ndertohet memoriali i te perndjekurve poliitke, sic eshte vene ne uashington, ne prage, ne varshave, Budapest. Une besoj qe Edi Rama do te kete ndergjegjen kombetare, qe te zhduke kullat dhe te vendoset memoriali, sepse kjo i sherben histories se ketij kombi me shume se kullat. Nuk mund te mohohet historia e krimit 45-vjecar në Shqipëri dhe une besoj që Zoti Rama do te reflektoje dhe ketu do te vihet busti i te përndjekurve politike”, u shpreh Ndregjoni.

Zoti Ndregjoni u tregua i kujdesshëm të sqaroje se kjo kerkese nuk duhet të kuptohet si ndërhyrje në debatin mes bashkise dhe qeverise per sheshin “Skenderbej” dhe per te qene i baraslarguar nga palet, zoti Ndregjoni ka edhe nje kerkese te dyte, kete here per qeverine.

“I bejme thirrje qeverise shqiptare, kryeministrit Berisha, menjehere, me nje vendim te pershpejtuar te caktoje vendin ne kryeqytet pr ndertimin e nje parcele kombetare ku te varrosen te gjithe te ekzekutuarit politike nga regjimi komunist, si edhe figura te shquara antikomuniste”, theksoi ai.

Pak kohe me pare parlamenti miratoi ligjin per simbolet e viktimave te rregjimit komunist, ku nje prej simboleve percaktohet ngritja e obeliskut ne nje nga sheshet qendrore te Tiranes.