Thirrjet raciste, Ministri grek i Rendit: Njerëz pa mend nxinë festën kombëtare

nga Vizitor Sat 27 Mar 2010 - 9:00

ATHINE – Ministri i rendit në Greqi urdhëroi hetimin e menjëhershëm të incidentit të ndodhur gjatë paradës së forcave speciale të marinës greke të cilët bënë thirrje antishqiptare.
Duke iu referuar incidentit të rëndë, ministrit grek i Rendit, Hrisohoidhis bëri publike një deklaratë me të cilën kërkon hetimin e ngjarjes dhe ndëshkim të autorëve.
Ministri i konsideron personat që thirrën në kor kundër shqiptarëve, turqve e maqedonasve, “njerëz pa mend që nxinë festën kombëtare me parulla raciste dhe ksenofobe”.
Ministri i Rendit kërkoi gjithashtu një dikutim në Parlament për ngjarjen.
Sot paradite, Ministri për Mbrojtjen e Qyetatrëve Michalis Chryssochoidis ka deklaruar se “kanë filluar hetimet”.

Artikulli i ora: 11:02
Thirrjet antishqiptare në Athinë, protesta në Tiranë: Greqia, turpi i BE
TIRANE – Filloi në ora 11:00 protesta para ambasadës greke në Tiranë. Qindra qytetarë i janë përgjigjur thirrjes së organizatave joqeveritare për tu mbledhur në protest para Ambasadës së Greqisë në Tiranë dhe për të ngritur zërin kundër thirrjeve, koreve e këngëve antishqiptare që u dëgjuan gjatë paradës së forcave speciale të ushtrisë greke në mes të Athinës.
“Greqia, TURPI i BE”, janë disa nga pankartat që mbajnë në duart protestuesit e mbledhur para ambasadës greke në Tiranë.

Artikulli i 26 March 2010, ora 21:17
Këngët antishqiptare në Athinë, protesta te ambasada greke në Tiranë
TIRANE – Një rrjet organizatash shqiptare paralajmëroi sot zhvillimin e protestave ditën e nesërme para ambasadës greke në Tiranë duke kundërshtuar racizmin e shfaqur nga ushtria greke në Marshimin e Ditës së Pavarësisë në Athinë.
“Neser ms date 27 mars ns ora 11:00, Lëvizja Mjaft së bashku me Rrjetin e Organizatave Shqiptare do të organizojnë një proteste para Ambasades Greke (nga krahu i sporteleve) në Tiranë, për të denoncuar koret raciste dhe ksenofobe të ushtarakeve grekë ne paradën vjetore te zhvilluar ne Athine diten e djeshme”, thuhet në deklaratën e cila i fton të gjithë shqiptarët të marrin pjesë në një reagim qytetar ndaj razicmit dhe ksenofobisë greke.