Veset e këqija, marrin 12 vjet nga jeta

Çdo ves i keq ka një kosto, sidomos kjo në aspektin e shëndetit, pasi kombinimi i shprehive që na bëjnë të jetojmë keq, mund të çojë në rritjen e rrezikut të vdekshmërisë me tre herë, ose e thënë ndryshe, duke na hequr 12 vjet jetë.
Në këtë përfundim kanë arritur studiuesit e Universitetit të Oslos në Norvegji, përfundimet e të cilit janë botuar edhe në revistën “Medicine” dhe që parashikojnë se rritja e shkallës së vdekshmërisë së të rriturve, paraqitet e lartë lidhur me 4 zakone të këqija të të jetuarit si pirja e duhanit, konsumi i alkoolit, ngrënia e pak fruta-perimeve si dhe inaktiviteti fizik.
Rezultatet treguan se kryerja e këtyre katër sjelljeve gjatë gjithë jetës, do të thotë një rrezik në rritje të vdekshmërisë me tre herë, si edhe me shtimin e rrezikut të prekjes nga sëmundje si ajo e kancerit apo sëmundjet kardiovaskulare.
Hulumtimi zbuloi se vetëm zakoni i keq i pirjes së duhanit favorizon rritjen e vdekshmërisë me 58% krahasuar me të tjerat.
Sipas autorit të studimit, Elizabeth Kvaavik, rezultatet e kërkuara mund të jenë të përkthyera në një reduktim prej rreth 12 vjet të jetës për ata që kanë tendencë t’i kryejnë të katër këto zakone të këqija.
Ky rezultat, megjithatë, mund të përmbyset duke përmirësuar sjelljen e tyre: në radhë të parë duke hequr dorë nga pirja e duhanit, reduktimi i konsumit të alkoolit, si dhe duke ngrënë sa më shumë fruta dhe perime.