Steam paraqitet për Mac

Shërbimi i shkëlqyer i luajtjes Steam i kompanisë Valve më në fund është paraqitur për OS X, dhe kjo do të thotë se të gjithë pronarët e ndonjë çfarëdo Mac-u do të jenë në gjendje të luajnë tituj si Portal, pa pasur nevojë për Boot Camp apo për një particion të Windows.
Nëse jeni përdorues i Mac OS X apo keni në shfrytëzim një pajisje kompjuterike nga Mac, këtë klient të Steam mund ta shkarkoni nga steampowered.com, dhe në momentin që bëni këtë ju mund të filloni me shkarkimin e lojërave.

Libraria e Steam e dedikuar për Mac do të përfshijë edhe vetë titullin Portal, që do të jetë pa pagesë deri më 24 maj. Tituj tjerë përfshijnë Sid Meier’s Civilization IV , Football Manager 2010, Torchlight, etj. Ndërsa gjatë javëve në vazhdim do të përfshihen tituj si Team Fortress 2 dhe Left 4 Dead 2.

Gjithashtu Portal 2 do të lansohet në të njëjtën kohë për Mac sikurse për versionin për PC. Përveç kësaj, përzgjedhja e lojërave për të ardhmen mbetet ende thjeshtë spekulim.