Greva, në spital një tjetër grevist

Shkon në dy numri i grevistëve të urisë, që brenda ditës së sotme, detyrohen të lënë cadrën para kryeministrisë, për shkak të keqësimit të gjendjes shëndetësore.

Astrit Cengu, 36 vjec nga Kukësi është dërguar me urgjencë në Qendrën Spitalore Universitare 'Nënë Tereza'.

Para mesditës ishte Ferit Leka, vëllai i deputetit të qarkut të Elbasanit, Astrit Leka që u dërgua në spital. Në total janë 34 protestues që kanë patur nevojë për ndihmë mjekësore më të specializuar.

Kreu socialist Edi Rama edhe sot ritheksoi vendosmërinë për t'i shkuar deri në fund betejës së nisur, ndërsa përcmoi deklaratat e ndryshme ku vihet në dyshim vërtetësia e grevës së urisë.