Greqia paralizohet nga greva

Protestat e kanë paralizuar Greqinë

Në Greqi shërbimet publike dhe ato të transportit janë paralizuar për shkak të grevës së përgjithshme që po zhvillohen të enjten.


Qindra mijëra punëtore janë hedhur në grevë kundër masave të ashpra të qeverisë së kryeministrit Papandreu.

Hapësira ajrore greke do të jetë e mbyllur për 24 orë, ndërsa anijet kanë mbetur të bllokuara në porte.

Forcat e policisë përdorin gazin lotsjellës kundër protestuesve që qëlluan me gurë në fillim të protestës në Athinë.

Kryetari i Federatës së Punëtorëve i ka akuzuar grevistët se duan ta kthejnë Greqinë në një vend për t'u mëshiruar.

Greqia ka një deficit prej 12.7%, katër herë më të lartë se ç'lejohet në eurozonë.

Qeveria ka vendosur ta ulë këtë deficit në 8.7 % këtë vit dhe të zvogëlojë borxhin kombëtar duke shkurtuar rrogat e punonjësve të shërbimeve publike, duke ngritur moshën e pensionit dhe duke rritur TVSH-në.

Bashkimi Evropian ka premtuar ta ndihmojë Greqinë, por nuk ka shpallur ende masa konkrete.