Tmerret e Cërrikut, dëshmia: Donin t’i digjnin trupat

Me emrin Leonard të ndryshuar për shkak të emigracionit , ish gardisti Luan Prenga ka dëshmuar para Gjykates së Krimeve të Rënda me detaje rrënqethese mbi masakrën e Cërrikut 1997.

“Unë nuk do ta harroj kurre dhe s’do t’ua fal kurre. Pamë te dilte nje grup i armatosur nga kinemaja, ata filluan t’i dhunonin shoket tane qe mbeten te vrare, i zhvishnin, i terhiqnin zvarre. Ky ketu, - tha deshmitari, duke treguar me gisht nga Met Bozi – dha urdher qe kufomat te digjeshin, por banore bertisnin qe mos ta benin kete gje. Ne ishim te plagosur dhe Roland Xhepexhiu bashke me te tjeret na moren peng e na cuan ne nje banese. Met Bozi erdhi me nje kamera dhe na bente presion te tregonim pse ndodheshim ne Cërrik, ndersa thoshte se do na vrisnin. Me vone erdhi edhe Roland Xhepexhiu, ai me qelloi me tyten e e automatikut dhe donte te na vriste. Kur rame ne prite, mbaj mend se ishte Roland Xhepexhiu njeriu qe organizonte banden”.

Deshmitari kujtoi se fillimisht ai ishte nisur bashke me shoket e tij me mision per ne Elbasan, por me pas nje urdher i dyte ua kishte ndryshuar destinacionin per ne Cerrik, ku dhe ndodhi edhe vrasja e gjashte gardisteve dhe plagosja e 16 te tjereve. Per momentin ne gjykate po deshmojne te mbijetuarit nga kjo masaker, ndersa procesi po zhvillohet pa pranine e kamerave.