Vdiq ylli i basketbollit Manute Boll

Ylli sudanez i basketbollit, Manute Boll,
ka ndërruar jetë në moshën 47-vjeçare. Ai kishte probleme të rënda me
veshkat.

Boll, 2.3 metra, ishte njëri nga
lojtarët më të gjatë në Asociacionin Kombëtar të Basketbollit të
Amerikës së Veriut (NBA), ku luajti 10 sezone, për ekipe të ndryshme.

Pasi përfundoi karrierën në vitin 1995, Boll u angazhua për
bamirësi dhe për promovimin e kompromisit ndërmjet grupeve në Sudan.

Ekipi i Philadelfias, për të cilin luajti Boll, përmes një
deklarate tha se “Manute Boll ishte një person që i ka kushtuar shumë
bujarisë dhe përpjekjeve humanitare, për ta bërë botën një vend më të
mirë”.