Kalendari historik !

1492 – Christopher Columbus nga indianët e Kubës dëgjon për herë të parë për misrin.

1605 – Në Komplotin e Barutit, katolikët synojnë ta shkatërrojnë Parlamentin anglez. Komploti u zbulua, ndërsa ideatori Guy Fawkes varet. Dështimi i tij festohet për çdo pesë nëntor në Britani.

1789 – Seanca Kombëtare Franceze shpall të gjithë qytetarët të barabartë para ligjit.

1911 – Italia zyrtarisht anekson Tripolin.

1940 – Franklin D. Roosevelt zgjidhet për herë të tretë president i SHBA-së, duke u bërë kështu lideri i parë që shërben në krye të Shtëpisë së Bardhë për më shumë se dy mandate.

1946 – Në moshën 29-vjeçare, John F. Kennedy bëhet anëtar i Dhomës së Përfaqësuesve.

1956 – Fillon zbarkimi i forcave britanike dhe atyre franceze në Egjipt, në tentativën e kapërcimit të krizës së Kanalit të Suezit.

1963 – Në Newfoundland, arkeologët gjetën mbetjet e një vendbanimi viking.

1986 – Shtëpia e Bardhë rikonfirmon embargon e armëve për Iranin.

1998 – Shkencëtarët publikuan studimin gjenetik që tregonte se Thomas Jefferson ishte babai i së paku një fëmije të skllaves së tij, Sally Hemmings.

1994 – Ish-presidenti amerikan, Ronald Reagan, deklaron se e ka sëmundjen e alzhejmerit.

1998 – OKB-ja thotë se milicia talebane ka vrarë së paku 5 mijë civilë gjatë pushtimit të qytetit Afghani.

2001 – Prodhuesi evropian “Airbus” dhe një linjë ajrore e Dubait fillojnë projektin e përbashkët për specializimin e shërbimeve të udhëtimit ajror.

355 – Perandori Constantine II mundi kushëririn Julianus – kajzerin e Britanisë.

1860 – Abraham Lincoln zgjidhet presidenti i 16-të amerikan.

1861 – U lind zbuluesi i basketbollit, James Naismith.

1913 – Gjatë marshimit të minatorëve indianë në Afrikën Jugore arrestohet Mohandas K. Gandhi.

1935 – Edwin H. Armstrong proklamon zhvillimin e transmetimit FM.

1952 – Në Eniwetok Atoll të oqeanit Paqësor shpërthen bomba e parë hidrogjenike.

1986 – Burimet e Shërbimit Sekret Amerikan vërtetojnë rrëfimin e botuar në revistën libaneze “Ash Shiraa”, në të cilën thuhej se amerikanët kanë shitur fshehurazi armë në Iran në kuadër të përpjekjeve për lirimin e shtatë pengjeve amerikane.

1999 – Votuesit australianë refuzuan referendumin për të mos e pasur mbretëreshën e Britanisë si kreun e shtetit të tyre.

2001 – Në Madrid të Spanjës shpërthimi i një autobombe lëndon 60 veta. Për këtë akt akuzohen separatistët baskë.

680 – Mbahet Konsiliumi i Tretë i Konstantinopojës.

1512 – Familja Medici shkarkon Niccolae Machiavellin nga postet në Firence.

1665 – Botohet edicioni i parë i "The London Gazette".

1876 – Albert H. Hook patenton makinerinë për prodhimin e cigareve.

1916 – Woodrow Wilson rizgjidhet president i SHBA-së.

1917 – Britanikët mundin turqit dhe pushtojnë Palestinën.

1917 – Nis revolucioni bolshevik i Rusisë. Forcat e Vladimir Ilyich Leninit rrëzojnë Qeverinë e Përkohshme të udhëhequr nga Alexander Kerenskyt.

1931 – Mao Tse Tung proklamon Republikën Popullore Kineze.

1944 – Franklin D. Roosevelt bëhet i vetmi lider që fiton mandatin e katërt presidencial në SHBA.

1949 – Mbreti Faruk shpërndan Parlamentin egjiptian.

1982 – Miratohet Kushtetuta e Turqisë.

2001 – Pas 16 muajve ndalesë, rifillojnë fluturimet e udhëtarëve me Concorde.

392 – Perandori romak Theodosius shpall krishterimin si fe shtetërore.

1656 – U lind Edmond Halley. Ai ishte i pari që llogariti orbitën e kometës që ka marrë emrin e tij. Kometa shfaqet në qiellin e Tokës çdo 76 vjet.

1793 – Në Paris hapet Muzeu i Luvrit.

1889 – Montana bëhet shteti i 41-të i Shteteve të Bashkuara të Amerikës.

1923 – Adolf Hitler bën tentativën e parë të marrjes së pushtetit në Gjermani, me grusht shtetin e dështuar në Munih, që njihet si “Puçi i Hollit të Birave”.

1933 – Presidenti Franklin D. Roosevelt formon Administratën e Punëve Civile, e cila për synim kishte zgjidhjen e krizës së madhe ekonomike, duke krijuar 4 milionë vende të reja të punës.

1942 – Amerikanët invadojnë në Marok dhe në Algjeri.

1986 – Në moshën 96-vjeçare vdes Vyacheslav M. Molotov. Gjatë Luftës së Dytë Botërore ai urdhëroi prodhimin masiv të shisheve të mbushura me lëng djegës, që më vonë do të njihet si “Kokteji Molotov”.

1991 – Komuniteti Evropian dhe Kanadaja imponojnë sanksione ekonomike kundër Jugosllavisë në tentativën për të ndalur luftërat në këtë vend.

2000 – Në Florida fillon rivotimi i votave për të përcaktuar fituesin në zgjedhjet presidenciale amerikane të vitit 2000.

1494 - Familja Medici bëhet sundimtare e Firences.

1794 - Trupat ruse okupojnë Varshavën.

1799 - Napoleoni bëhet diktatori (konsulli i parë) i Francës.

1872 - Zjarri dëmton 800 ndërtesa në Boston.

1906 - Presidenti amerikan, Theodore Roosevelt, viziton Panamanë për të parë punët në kanalin e ri. Ishte kjo vizita e parë e jashtme e një presidenti amerikan.

1911 - George Claude aplikon në Paris për patentën e reklamave me drita të neonit.

1918 - Kajzeri i Gjermanisë, Wilhelm II, deklaron se do të abdikonte. Ai pastaj shpërngulet në Holandë.

1938 - Trupat naziste dhe simpatizantët e tyre shkatërrojnë dhe plaçkitin 7.500 biznese hebraike; djegin 267 sinagoga; vrasin 91 hebrenj dhe mbledhin 25 mijë prej tyre në natën që njihet si Kristallnacht, apo “Nata e xhamave të thyer”.

1976 - Asambleja e Përgjithshme e OKB-së miraton Rezolutën ku dënon Qeverinë e aparteidit në Afrikën Jugore.

1989 - Gjaermania komuniste Lindore hapi kufijtë duke lejuar qytetarët e saj të udhëtonin lirshëm në Gjermaninë Perëndimore.

1990 - Presidenti sovjetik, Mikhail S. Gorbachev, nënshkruan me Gjermaninë Marrëveshjen e mosagresionit.

911 - Conrad I bëhet mbret i gjermanëve.

1444 - Beteja e Varnës, në Detin e Zi, Sulltan Murati II mund kryqëzorët.

1630 – Dështon revolucioni kundër Richelieut.

1697 – Parlamenti anglez e pranon reduktimin ushtarak.

1775 – Kongresi amerikan vendos të formojë Marinën amerikane.

1793 – Franca i jep fund detyrimit të adhurimit të Zotit.

1905 – Marinarët ngrihen në revoltë në Kronstadt të Rusisë.

1917 – Qeveria e re sovjetike suspendon përkohësisht lirinë e shtypit.

1918 – Polonia shpall pavarësinë.

1928 – Hirohito merr fronin si perandor i Japonisë.

1945 – Gjenerali Enver Hoxha bëhet lider i Shqipërisë.

1950 – Diktatori spanjoll Franco i jep fund luftës në Gjibraltar.

1970 – Muri i madh kinez hapet për turistët.

1982 – Lideri sovjetik, Leonid I. Brezhnev, vdes nga sulmi në zemër në moshën 75-vjeçare. Atë e pason Yuri V. Andropov.

2001 – Organizata Botërore e Tregtisë miraton anëtarësimin e Kinës.

1851 – Teleskopi i parë patentohet nga shkencëtari, Alvan Clark.

1889 – Washingtoni bëhet zyrtarisht shteti i 42-të i Shteteve të Bashkuara të Amerikës.

1965 – Qeveria e Rhodezisë, e udhëhequr nga kryeministri, Ian Smith, ndahet nga mbretëria britanike pa pëlqimin e saj.

1975 – Shteti jugor i Afrikës, Angola, shpall pavarësinë nga ish-fuqia koloniale e saj, Portugalia, duke nxitur kështu luftë civile.

1987 – Piktura “Irises” e të famshmit Vincent Van Gogh shitet në një ankand në New York për 27 milion euro, një çmim atëbotë rekord për një vepër arti.

1992 – Kisha e Anglisë voton me një shumicë votash për lejimin e femrave që të caktohen në detyra të rëndësishme kishtare, si priftëresha.

1998 – Kabineti izraelit ratifikon një marrëveshje të shkëmbimit të tokave për paqe me palestinezët.

2000 – Të paktën 150 skiatorë, shumica e të cilëve fëmijë, vdesin në zjarrin e fuqishëm që shpërtheu në sistemin e teleferikëve në alpet austriake.

2004 – Lideri veteran i Autoritetit Palestinez, Yasser Arafat, vdiq në një spital në Paris, në moshën 75-vjeçare, duke i dhënë fund sundimit më se 40-vjeçar mbi popullin palestinez.

1923 – Adolf Hitler arrestohet për tentativën e dështuar të 8 nëntorit për ta marrë nën kontroll “Beer Hall Putsch” në Gjermani.

1927 – Tuneli i parë për vetura “Holland Tunel” ndërmjet New Yorkut dhe New Jerseyit hapet për qarkullim.

1954 – Pika kryesore e emigrimit në New York, Ellis Island, mbyll dyert e saj pas një shërbimit 62-vjeçar.

1970 – Një ciklon dhe dallgët masive godasin Pakistanin Lindor. Të paktën 200.000 persona humbin jetën.

1974 – Afrika Jugore përjashtohet nga Asambleja e Përgjithshme e OKB-së, për shkak të politikave të saj racore.

1980 – Sonda hapësinore “Voyager 1” dërgon pamjet e para të unazës që rrethon Saturnin nga një largësi prej më se një miliard miljesh.

1982 – Qeveria polake liron liderin e lëvizjes atëbotë joligjore “Solidarnost”, Lech Walesa, pas burgimit më se 11 muajsh.

1997 – “Plaçkitësi i madh treni”, Ronnie Biggs, feston pasi Brazili hedh poshtë kërkesën e Britanisë së Madhe për ekstradimin e tij, me ç’rast ai i shmanget përsëri dënimit me ekzekutim.

1998 – Lideri gueril kurd, Abdullah Ocalan, arrestohet në Romë. Turqia kërkoi menjëherë ekstradimin e tij.

1971 – Sonda e parë hapësinore e Shteteve të Bashkuara të Amerikës “Mariner 9” arrin në Mars dhe hyn në orbitë, mirëpo shkencëtarët duhej të prisnin akoma për pastrimin e fotografive të stuhisë së pluhurit marsian të dërguara nga kjo sondë.

1985 – Më tepër se 23.000 banorë të qytetit Armero të Kolumbisë humbin jetën kur një rrëshqitje gjigante e dheut mbuloi qytetin e tyre. Rrëshqitja e dheut ishte shkaktuar nga shpërthimi i vullkanit “Nevadi del Ruiz”.

1994 – Suedia voton për anëtarësim në Bashkimin Evropian.

1995 – Një studente 18-vjeçare vihet në aparate për mbajtje në jetë, pasi të ketë marrë pilula narkotike, ekstazi, me rastin e festës së ditëlindjes së saj.

1995 – Shtatë persona, në mesin e të cilëve pesë amerikanë, vriten në një sulm me autobombë në Shtabin e Përgjithshëm Ushtarak të SHBA-së në Riad të Arabisë Saudite.

1997 – Iraku dëbon nga vendi gjashtë inspektorë të armëve të OKB-së, me arsyetimin se ata ishin shtetas të Amerikës.

2001 – Presidenti amerikan, George W. Bush, nënshkruan urdhrin ekzekutiv, i cili u lejon tribunaleve ushtarake që të gjykojnë çdo të huaj të arrestuar në lidhje me sulmet terroriste në Shtetet e Bashkuara të Amerikës më 11 shtator të vitit 2001. Ishte kjo hera e parë që nga Lufta e Dytë Botërore që një president të ndërmarrë një veprim të tillë.

1914 – Lideri fetar, Sheikh-ul-Islam, shpall luftë të shenjtë islamike në interes të Perandorisë Osmane, duke i nxitur përkrahësit e tij myslimanë që t’i kapin armët kundër Britanisë së Madhe, Francës, Rusisë, Serbisë dhe Malit të Zi.

1918 – Çekosllovakia bëhet Republikë.

1922 – BBC-ja fillon shërbimet e saj radiofonike në Mbretërinë e Bashkuar.

1940 – Bombarduesit gjermanë nisin një sulm të madh nate në Coverty, Angli, duke shkaktuar me qindra të vdekur dhe shkatërruar katedralen “Coventry”.

1969 – “Apollo 12”, misioni i dytë me njeri në sipërfaqen e hënës, lancohet nga Cape Canaveral, Florida, me astronautët Charles Conrad Jr., Richard F. Gordon Jr. Dhe Alan L. Bean.

1973 – Ceremonia e martesës së të bijës së vetme të mbretëreshës britanike, Elisabeth, princeshës Anne, mbahet në Westminster Abbey në Londër.

1973 – Dy femra dhe gjashtë meshkuj shpallen fajtorë për sulmet me autobomba të kryera në afërsi të “Old Bailey” dhe të “Scotland Yardit” në Britaninë e Madhe.

1990 – Pas bashkimit të Gjermanive, Republika Federale e Gjermanisë dhe Republika e Polonisë nënshkruajnë një marrëveshje për konfirmimin e linjës Oder-Neisse si kufi ndërmjet Gjermanisë dhe Polonisë.

1991 – Shtetet e Bashkuara të Amerikës kërkojnë nga lideri libian, koloneli Muammar Gaddafi, që t’i dorëzojë zyrtarët libianë të inteligjencës, të akuzuar për bombardimin në Lockerbie.

1520 – Martin Lutheri dogji publikisht dekretin papnor. Papa kërkonte që ai të tërhiqej, ndryshe do të ballafaqohej me shkishërim. Luther refuzon dhe formalisht përjashtohet nga kisha në janar 1521.

1768 – Mbreti anglez, George III, formon në Londër Akademinë Mbretërore të Arteve.

1787 – Në Philadelphia lindi pionieri i edukimit të të shurdhërve, Thomas H. Gallaudet.

1896 – Në San Remo të Italisë vdiq Alfred Bernhard Nobel. Ai ishte kimist i njohur suedez, i cili zbuloi dinamitin. Në testamentin e tij potencoi se pasuria e tij prej 9 milionë dollarëve duhet të përdoret për shpërblime vjetore të njerëzve që vlerësohet se kanë bërë vepra të rëndësishme për njerëzimin.

1898 – Në Paris nënshkruhet Traktati që i jep fund luftës spanjollo-amerikane. Me këtë traktat parashihej edhe pavarësia e Kubës.

1901 – U dha çmimi i parë Nobel.

1906 – Presidenti Theodore Roosevelt është amerikani i parë që fiton çmimin “Nobel” për paqe. Ai u nderuar për ndërmjetësimin që i dha fund luftës ruso-japoneze.

1941 – Japonia invandon Filipinet.

1948 – Asambleja e Përgjithshme e Kombeve të Bashkuara miraton Deklaratën Universale të të Drejtave të Njeriut.

1953 – Me vetëm 7 mijë e 600 dollarë investim, Hugh Hefner editon numrin e parë të revistës "Playboy".

1964 – Në Oslo të Norvegjisë, Martin Luther King pranon çmimin ”Nobel” për paqe. Ai është personi më i ri që është nderuar me këtë shpërblim.

1995 – Marinsat e parë amerikanë arrijnë në kryeqytetin e Bosnjës, në Sarajevë.

1998 – Lidershipi palestinez heq nenet me të cilat refuzohet ekzistenca e shtetit izraelit.

1816 – Indiana bëhet shteti i 19-të i SHBA-së.

1917 – Lituania shpall pavarësinë nga Rusia.

1941 – Gjermania dhe Italia u shpallin luftë Shteteve të Bashkuara të Amerikës, pasi amerikanët i shpallën luftë Japonisë pas sulmit në Pearl Harbour. Si kundërpërgjigje kësaj, SHBA-ja u shpalli luftë Gjermanisë dhe Italisë.

1946 – U themelua Fondi Ndërkombëtar i Kombeve të Bashkuara për Fëmijë (UNICEF).

1963 – Che Guevara flet përpara Asamblesë së Përgjithshme të OKB-së në New York. Një terrorist i panjohur hedh një mortajë në ndërtesë gjatë atij fjalimi.

1981 – Forcat e armatosura në El Salvador vrasin të paktën 900 civilë në një fushatë antiguerilje gjatë luftës civile të vendit.

1994 – Presidenti rus, Boris Yeltsin, urdhëron trupat ruse që të ndërmarrin operacionin e parë luftarak në Çeçeni.

1997 – Protokolli i Kyotos hapet për nënshkrim.

2001 – Republika Popullore e Kinës i bashkohet Organizatës Botërore të Tregtisë.

2006 – Konferenca ndërkombëtare për të rishikuar vizionin global për Holokaustin hapet në Teheran, Iran, nga Mahmoud Ahmadinejad. Shtetet si Izraeli dhe SHBA-ja shprehën brengat e tyre.

2008 – Bernard Madoff arrestohet dhe akuzohet për mashtrimin financiar prej 50 miliard dollarësh.

1718 – Britania e Madhe i shpall luftë Spanjës.

1777 – Franca njeh pavarësinë amerikane.

1967 – Kryeministri i Australisë, Harold Holt, zhduket gjatë notit në afërsi të Portseas, Victoria, besohet të jetë mbytur.

1973 – Rreth 30 udhëtarë janë vrarë në një sulm nga terroristët palestinezë në aeroportin e Romës “Leonardo da Vinçi”.

1981 – Gjeneral brigadieri James L. Dozier rrëmbehet nga Brigadat e Kuqe në Veronë, Itali.

1992 – Presidenti amerikan Bush, kryeministri kanadez, Brian Mulroney dhe presidenti meksikan, Carlos Salinas de Gortari, nënshkruan marrëveshjen për tregti të lirë në Amerikën Veriore.

1992 – Izraeli dëbon mbi 400 palestinezë në territorin libanez në një rast të paprecedent të deportimit masiv të militantëve të dyshuar.

2002 – Presidenti amerikan, George W. Bush, urdhëroi Pentagonin të jetë i gatshëm për përdorimin brenda dy vjetësh të një sistemi për mbrojtjen e territorit amerikan, trupave dhe aleatëve nga sulmet me raketa balistike.

2002 – Qeveria e Kongos, partitë opozitare dhe kryengritësit nënshkruan marrëveshjen, e cila i dha fund luftës civile katërvjeçare.

1940 – Adolf Hitler urdhëroi në mënyrë sekrete stafin e gjeneralëve gjermanë që të përgatiten për okupimin e Bashkimit Sovjetik, në operacionin e koduar “Operacioni Barbarossa”.

1980 – Ish-kryeministri sovjetik, i cili shërbeu për disa mandate rresht, Alexei Kosygin, vdiq si pasojë e një sulmi në zemër.

1989 – Bashkimi Sovjetik dhe komuniteti evropian nënshkruan një pakt bashkëpunimi tregtar dhe ekonomik, të cilin e cilësuan si mjet për hapjen e rrugës drejt një integrimi më të afërt panevropian.

1993 – Sam Wanamaker, aktor dhe regjisor amerikan, i cili bëri fushatë për rindërtimin e teatrit të Shakespeares në Thames të Londrës, vdiq në moshën 74-vjeçare.

1995 – Shtetet e Bashkuara të Amerikës vendosën trupat e tyre të para luftarake në Bosnjë, për t’iu bashkuar misionit më të madh ushtarak të NATO-s.

2003 – Egon Krenz, lideri i fundit komunist i Gjermanisë Lindore, lirohet nga burgu, pasi të ketë shërbyer pothuajse katër vjet nga dënimi i plotë prej gjashtë vjet e gjysmë heqje lirie.

2004 – Presidenti i Pakistanit, Pervez Musharraf, theksoi se do të tërhiqet nga posti i shefit të ushtrisë, duke përmbushur kështu premtimin për ta lënë këtë post të rëndësishëm deri në fund të vitit, në mënyrë që ta vazhdojë mandatin presidencial.

1860 – Karolina e Jugut bëhet shteti i parë që u nda nga Shtetet e Bashkuara të Amerikës.

1917 – Cheka, policia e parë sekrete e Bashkimit Sovjetik, u themelua.

1924 – Adolf Hitleri u lirua nga burgu Landsberg.

1955 – Cardiff shpallet kryeqytet i Walesit, në Mbretërinë e Bashkuar.

1960 – Formohet Fronti Kombëtar për Çlirimin e Vietnamit.

1973 – Kryeministri spanjoll, admirali Luis Carrero Blanco, vritet në një sulm me bombë në Madrid.

1984 – Zjarri më i madh nëntokësor në histori ndodh në tunelin Summit, pasi një tren i shpejt që bartte mbi 1 milion litra karburant rrotullohet në qytetin Todmorden në Pennines.

1991 – Një gjykatë në Missouri dënon një militant palestinez, Zein Isa dhe bashkëshorten e tij Maria me vdekje për vrasjen për nder të të bijës së tyre Palestina.

1995 – NATO fillon misionin paqeruajtës në Bosnjë.

1999 – Makau i dorëzohet Republikës Popullore të Kinës nga Portugalia.

2007 – Mbretëresha Elisabeth II bëhet monarkia më e vjetër në Mbretërinë e Bashkuar, duke e kaluar Mbretëreshën Victoria, e cila jetoi 81 vjet, 7 muaj dhe 29 ditë.

2007 – Piktura “Portreti i Suzanne Bloch” (1904), e piktorit spanjoll Pablo Picasso, vidhet nga Muzeu i Arteve në Sao Paulo, bashkë me “O Lavrador de Cafe”, e piktorit modernist brazilian, Candido Portinari.

1898 – Shkencëtarët Pierre dhe Marie Curie e zbuluan elementin radioaktiv, radiumin.

1944 – Gara me kuaj u ndalua në SHBA deri pas përfundimit të Luftës së parë Botërore.

1958 – Charles de Gaulle u zgjodh për një mandat shtatëvjeçar si presidenti i parë i Republikës së Pestë të Francës.

1968 – “Apollo 8” u nis në një mision në Hënë. Kjo anije kozmike aterroi e sigurt në Oqeanin Paqësor, më 27 dhjetor.

1971 – Këshilli i Sigurimit të OKB-së zgjodhi Kurt Waldheimin si pasues të U Thantit në postin e sekretarit të përgjithshëm.

1980 – 270 persona humbën jetën kur aeroplani “Boeing” i kompanisë “Pan Am” eksplodoi mbi Lockerbie të Skocisë, në një sulm terrorist.

1990 – Gjatë një interviste dhënë një televizioni gjerman, Saddam Hussein, deklaroi se ai nuk do ta përfillte afatin e caktuar nga OKB-ja për t’u tërhequr nga Kuvajti.

1991 – Njëmbëdhjetë nga 12 ish-republikat sovjetike e shpallën lidhjen e Bashkësisë së Shteteve të Pavarura.

1995 – Qyteti i Bethlehemit kaloi nën kontrollin palestinez.

1864 - Gjatë luftës civile amerikane gjenerali unionist, William T. Sherman, ia dërgon presidentit Lincoln një mesazh nga Gjeorgjia. Aty thuhej: “Si dhuratë të Krishtlindjeve, jua prezantoj qytetin Savannah”.

1882 - Thomas Edison ndriçon për herë të parë bredhin e Krishtlindjeve.

1895 - Fizikani gjerman, Wilhelm Rontgen, e bëri fotografinë e parë me rreze X të dorës së gruas së tij.

1941 - Kryeministri britanik, Winsto Churchill, arriti në Washington në Konferencën e luftës, të organizuar nga presidenti amerikan Roosevelt.

1956 - Forcat e fundit britanike dhe ato franceze largohen nga Egjipti.

1965 - Jepet premiera e filmit "Dr. Zhivago", me regji të David Lean.

1976 - Republika Demokratike Gjermane ndalon këngëtaren Nina Hagen.

1984 - Singli i Madonnas, “Like a Virgin”, është në vendin e parë të top-listave amerikane (në këtë pozitë do të qëndrojë për 6 javë).

1989 - Lideri komunist i Rumanisë, Nicolae Ceausescu, shkarkohet me kryengritje nga pushteti.

1990 - Lech Walesa jep betimin e presidentit të parë demokratik polak.

1994 - Jep dorëheqje Qeveria italiane e Berlusconit.

2001 - Tridhjetë afganë, përfshirë dy gra, bëhen pjesë e Qeverisë së përkohshme të Afganistanit. Hamid Karzai bëhet lider i qeverisjes posttalibane.

1620 – Hugenotët francezë i shpallin luftë mbretit Louis XIII.

1783 – George Washington jep dorëheqjen nga posti i komandantit të Ushtrisë amerikane.

1876 – Miratohet Kushtetuta e parë turke.

1888 – Pas mosmarrëveshjeve me piktorin Paul Gauguin, Vincent Van Gogh pret veshin e tij.

1899 – Nënshkruhet traktati turko-gjerman për ndërtimin e hekurudhës së Bagdadit.

1913 – Presidenti amerikan, Woodrow Wilson, nënshkruan Ligjin për rezervat federale.

1920 – Irlanda ndahet në dy pjesë, ku secila ka parlamentin e saj.

1922 – Radio BBC fillon transmetimin ditor të lajmeve.

1947 – Zbulohet transistori.

1948 – Ish-kryeministri Hideki Tojo dhe gjashtë liderë të tjerë japonezë të Luftës së Dytë Botërore, ekzekutohen në Tokio. Ata janë shpallur fajtorë për krime kundër njerëzimit.

1967 – Në Bruksel, Këshilli i NATO-s miraton strategjinë e “Kundërpërgjigjes fleksibile”.

1973 – Gjashtë shtete të Gjirit Persik dyfishojnë çmimet e naftës.

1989 – Arrestohet presidenti i përmbysur rumun, Nicolae Ceausescu, me gruan e tij, Elena.

1990 – Sllovenët votojnë për shkëputje nga Federata Jugosllave.

1997 – 62-vjeçari Woody Allen martohet me 27-vjeçaren Soon-Yi Previn – vajzën e adoptuar të gruas së tij, Mia Farrow

1998 – Guerilët nga Libani bombardojnë Izraelin Verior.

800 - Karli i Madh është kurorëzuar nga Papa Leo III për perandor të shenjtë romak.

969 - Johannes I Tzimisces bëhet perandor i Bizantit.

1066 - William Pushtuesi kurorëzohet mbret i Anglisë.

1522 - Turqit pushtojnë Rodosin.

1914 - Gjatë Luftës së Parë Botërore trupat britanike dhe gjermane bënë një armëpushim jozyrtar për festën e Krishtlindjeve. Ata madje kanë luajtur bashkë futboll në Frontin Perëndimor.

1926 - Pas vdekjes së babait Taisho, Hirohito bëhet perandor i Japonisë.

1936 - Peshkopi i Belgjikës dënon fashizmin dhe komunizmin.

1941 – Hong-Kongu u dorëzohet japonezëve.

1959 - Sony sjell në treg transistorët “TV 8-301”.

1959 - Një sinagogë në Keln fyhet nga vizatimi i svastikave.

1989 - Kryetari i shkarkuar rumun, Nicolae Ceausescu, dhe gruaja e tij Elena ekzekutohen pas një kryengritjeje në Rumani.

1989 - Dramaturgu disident, Vaclav Havel, zgjidhet president i Çekosllovakisë.

1991 - Presidenti sovjetik, Mikhail S. Gorbachev, deklaron se ka dhënë dorëheqje nga posti i liderit të Partisë Komuniste.

1741 - Forcat prusiane marrin nën kontroll Olmutzin e Çekisë.

1825 - Përfundon hekurudha e parë në Angli.

1831 - Charles Darwin fillon udhëtimin e tij me anijen “HMS Beagle”. Në bazë të të dhënave të mbledhura nga ky udhëtim i gjatë, ai do ta formulojë teorinë e tij të evolucionit.

1845 - Në Shtetet e Bashkuara të Amerikës për herë të parë përdoret eteri gjatë lindjeve.

1927 - Leon Trotsky përjashtohet nga Partia Komuniste.

1945 - Në bazë të marrëveshjes së 28 shteteve, themelohet Banka Botërore.

1949 - Mbretëresha e Holandës, Juliana, pas 300 vjetëve të sundimit të holandez pranon sovranitetin e Indonezisë.

1978 - Pas 40 vjetëve të diktaturës, Spanja miraton Kushtetutën e re demokratike.

1985 - Militantët palestinezë sulmojnë aeroportet e Vjenës dhe të Romës. 20 veta vdesin gjatë këtij sulmi, përfshirë pesë sulmues.

1996 - Fundamentalistët talebanë rimarrin bazën strategjike të Bagramit.

2001 - Presidenti amerikan, George W. Bush, i siguron Kinës statusin normal të tregtisë me SHBA-në.

2002 - Koreja Veriore urdhëron inspektorët nuklearë të OKB-së që ta braktisin vendin. Pas këtij vendimi, shteti deklaron se do të rifillojë punën në laboratorët e plutoniumit.

2002 - Së paku 40 veta vdesin në Çeçeni, kur vetëvrasësit sulmojnë administratën e Groznit.

1170 - Thomas Becket, peshkopi i 40-të i Canterbury, u vra në katedralen e tij nga katër kalorës që vepronin me urdhrat e mbretit Henry II.

1503 - Në betejën në Carigliano, ushtria spanjolle mundi ushtrinë franceze.

1813 - Gjatë luftës së vitit 1812, britanikët djegin qytetin Buffalo.

1860 - Lëshohet në ujë anija e parë e çeliktë britanike, “HMS Warrior”.

1891 - Thomas Edison patenton “transmetimin elektrik të sinjaleve” (radion).

1911 - Sun Yat-sen emërohet presidenti i parë i Republikës Kineze.

1940 - Aeroplanët gjermanë fillojnë bombardimin e Londrës.

1952 - Prodhohet pajisja që ndihmon dëgjimin.

1972 - Pas 36 vjetëve të publikimit, del në shitje numrin i fundit i javores “Life”, për të kaluar pastaj në edicionet mujore.

1983 - SHBA-ja deklaron tërheqjen nga UNESCO-ja.

1997 - Hong-Kongu mbyt 1.25 milionë pula nga frika e përhapjes së “gripit të shpezëve”.

1998 - Liderët e “kmerëve të kuq” kërkojnë falje për gjenocidin e vitit 1970, në Kamboxhia, që ka marrë jetët e një milion njerëzve.

1896 – Utah u bë shteti i 45-të i Federatës amerikane.

1948 – Britania ia dha pavarësinë Birmanisë.

1951 – Gjatë konfliktit korean, forcat koreanoveriore dhe ato komuniste kineze morën nën kontroll qytetin e Seulit.

1958 – Sateliti “Sputknik I” ra në tokë nga orbita e tij. Kjo anije kozmike ishte lansuar më 4 tetor të vitit 1957.

1960 – Autori francez, Albert Camus, vdiq në një aksident automobilistik, në moshën 46-vjeçare.

1965 – Poeti T.S. Eliot ndërroi jetë në moshën 76-vjeçare.

1972 – Rose Heilbron u bë gjykatësja e parë femër në Britani, në Old Bailey të Londrës.

1990 – Lideri panamez i dëbuar nga pushteti, Manuel Noriega, u soll para gjykatës federale amerikane të Miamit, i akuzuar për trafikim droge.

1991 – Këshilli i Sigurimit i OKB-së votoi unanimisht për të dënuar trajtimin nga Izraeli të palestinezëve në territoret e okupuara.

1997 – Qeveria qipriote greke nënshkroi një marrëveshje për të blerë raketa S-300, tokë-ajër, nga Rusia.

1896 – Gazeta “The Austrian” raportoi se Willhelm Roentgen kishte zbuluar një lloj rrezatimi që u bë i njohur si rrezet X.

1990 – Në Irlandë lideri nacionalist John Edwars Redmond bëri thirrje për revoltë kundër sundimit britanik.

1933 – Filloi ndërtimi i urës “Golden Gate” në SHBA.

1944 – Gazeta londineze “Daily Mail” u bë gazeta e parë transatlantike që u publikua.

1956 – Në stripin “Peanuts”, Snoopy eci në dy këmbë për herë të parë.

1972 – Presidenti amerikan, Richard M. Nixon, urdhëroi ndërtimin e sondave kozmike.

1987 – Presidenti amerikan, Ronald Reagan, iu nënshtrua operacionit në prostatë.

1993 – Shteti amerikan i Washingtonit ekzekutoi Westley Allan Doddin. Ishte kjo varja e parë në SHBA që nga viti 1965. Dodd ishte një vrasës serik i fëmijëve, që kishte pranuar krimet e bëra.

1996 – Yahya Ayyash, pjesëtar i “Hamasit” në Izrael, u vra nga një eksploziv i montuar në telefonin e tij celular.

1540 – Mbreti Henry VII i Anglisë u martua me Anne nga Cleves, bashkëshorten e tij të katërt.

1838 – Samuel Morse bëri demonstrimin e parë publik të telegrafit.

1900- Në Indi u raportua se me miliona persona ishin duke vdekur nga uria.

1912 – New Mexico u bë shteti i 47-të i Federatës së SHBA-së.

1942 – Ndodhi fluturimi i parë komercial me aeroplan nëpër botë. “Pan American” ishte kompania që hyri në histori me këtë gjë.

1950 – Britania njohu qeverinë komuniste të Kinës.

1967 – Forcat amerikane dhe ato të Vietnamit Jugor lansuan një ofensivë të madhe në deltën e Lumit Mekong.

1998 – Sonda “Lunar Prospect” u lansua në orbitën rreth hënës. Kjo sondë u përplas në Hënë, në përpjekje për të gjetur ujë nën sipërfaqe të hënës, më 31 korrik 1999.

1999 – Filloi punimet Kongresi i 106-të amerikan. Tema e parë e rendit të ditës ishte procedura e lansuar gjyqësore kundër presidentit amerikan, Bill Clinton, e cila supozohej të fillonte më 7 janar të vitit 1999.

1558 – Calais, e vetmja që kontrollohej nga anglezët në territorin e Francës, u rikthye nga francezët.

1610 – Galileo Galilei pa katër satelitët e Jupiterit. Ai iu vuri atyre emrat Io, Evropa, Ganymede dhe Kalisto

1789 – Amerikanët votuan për elektorët që do ta zgjidhin George Washingtonin si president të parë në SHBA.

1887 – Thomas Stevens përfundoi udhëtimin e parë me biçikletë nëpër botë. Ai e kishte filluar udhëtimin e tij në prill të vitit 1884.

1927 – Filloi shërbimi telefonik transatlantik midis New Yorkut dhe Londrës, me 31 thirrje të bëra në këtë ditë të parë.

1935 – Ministri i Jashtëm francez, Pierre Laval, dhe kryeministri italian, Benito Mussoloni, nënshkruan marrëveshjet italiano-franceze.

1959 – SHBA-ja njohu qeverinë e re të Fidel Castros në Kubë.

1989 – Princi Akihito u bë perandor i Japonisë pas vdekjes së të atit, perandorit Hirohito.

1996 – Alvaro Arzu u zgjodh president i Guatemalës.

475 – Perandoria Bizantine u detyrua me forcë të tërhiqej nga kryeqyteti i saj, Konstantinopoja, Stambolli i sotëm.

1778 – Connecticut bëhet shteti i pestë që i bashkohet Shteteve të Bashkuara të Amerikës.

1799 – Kryeministri britanik, William Pitt fillon zbatimin e taksës në të ardhura, duke u munduar të mbledhë sa më shumë fonde në luftën kundër Nepoleonit.

1861 – Misissippi bëhet shteti i dytë që shkëputet nga Shtetet e Bashkuara të Amerikës në prag të luftës civile amerikane.

1878 – Umberto I shpallet mbret i Italisë.

1916: Gjatë Luftës së Parë Botërore në Betejën e Galipolit, Perandoria Osmane del triumfuese, duke detyruar forcat e fundit të aleatëve të tërhiqeshin nga gadishulli.

1945: Shtetet e Bashkuara të Amerikës, gjatë Luftës së Dytë Botërore, pushtojnë Luzonin filipinas.

1998: Vdes Kennici Fukkui, kimisti japonez, laureat i “Nobelit”

2004 – Vdes filozofi italian Noerberto Bobbio.

1810 – Anulohet martesa ndërmjet Napoleonit dhe Josephines.

1913 – Lind politikani shqiptar, Mehmet Shehu, kryeministër i Qeverisë komuniste të Enver Hoxhës.

1923 – Lituania anekson dhe pushton Memelin.

1946 – Hapet Asambleja e parë e Përgjithshme e Kombeve të Bashkuara. Takimi mbahet në Londër dhe marrin pjesë 51 shtete.

1962 – NASA fillon Projektin Apollo, duke filluar punën për prodhimin e raketës që do ta dërgojë misionin e parë në Hënë.

1984 – Shtetet e Bashkuara të Amerikës dhe Vatikani vendosin marrëdhënie të plota diplomatike, për herë të parë pas 117 vjetësh.

1989 – Trupat kubane fillojnë të tërhiqen nga Angola.

1519 – Vdiq perandori romak Maksimiliani i Parë.

1875 – Kuang-su u bë perandor i Kinës.

1896 – Në kolegjin amerikan “Davidson”, disa studentë bënë incizime me rrezet X. Ishin këto incizimet e para të llojit të tillë.

1915 – Dhoma amerikane e Përfaqësuesve hodhi poshtë propozimin që grave t’u jepet e drejta për të votuar.

1938 – Austria pranoi qeverinë e Francos në Spanjë.

1940 – Bombarduesit sovjetikë sulmuan qytete në Finlandë.

1945 – Gjatë Luftës së Dytë Botërore, forcat sovjetike ndërmorën një ofensivë të madhe kundër gjermanëve në Evropën Lindore.

1964 – Rebelët majtistë në Zanzibar filluan revoltën e tyre të suksesshme kundër qeverisë, duke shpallur republikën.

1970 – Mori fund lufta civile në Nigeri.

1973 – Yasser Arafati u rizgjodh president i Organizatës për Çlirimin e Palestinës.

1998 – Nëntëmbëdhjetë shtete evropiane u pajtuan që të ndalojnë klonimin njerëzor.

1915 – 30.000 persona humbën jetën në tërmetin e madh që goditi qytetin qendror italian Avenzzano.

1941 – Autori irlandez James Joyce, në mesin e veprave të të cilit është edhe “Uliksi”, ndërroi jetë në Zurich të Zvicrës.

1963 - Sylvanus Olympio, presidenti i Republikës së Togos, u vra në një komplot ushtarak, të udhëhequr nga Nicolas Grunitzky.

1991 – Në një fushatë mbi Lituaninë rebele, ushtarët sovjetikë, të mbështetur nga tanket, hynë në objektin e stacionit kryesor televiziv në kryeqytetin Vilnius, duke vrarë të paktën 11 persona.

1993 – Ish-lideri i Gjermanisë Lindore, Erich Honecker, gjatë mandatit të të cilit u ndërtua Muri i Berlinit, u largua nga burgu berlinas për të shkuar drejt Kilit, pasi që një gjykatë e liroi për shkak se po vdiste.

2001 – Një tërmet me intensitet prej 7.6 ballës të Rihterit goditi Amerikën Qendrore dhe epiqendra e tij ishte në jug të San Salvadorit. Të paktën 725 persona humbën jetën.

2005 - Mark Thatcher, i biri i kryeministrit britanik, Margaret Thatcher, u deklarua se ndihet fajtor për pjesëmarrje në komplotin e zmbrapsur në Guinenë ekuatoriale.

1784 – SHBA-ja ratifikoi traktatin paqësor me Anglinë, duke i dhënë fund luftës revolucionare.

1858 – Perandori francez Napoleoni III i shpëtoi një tentativë-atentati.

1878 – Alexander Graham Bell ia demonstroi telefonin mbretëreshës britanike, Victoria.

1907 – Një tërmet shkaktoi vdekjen e mbi 1.000 personave në Kingston të Xhamajkës.

1953 – Josip Broz Tito u zgjodh president i Jugosllavisë nga Parlamenti.

1994 – Presidenti amerikan Bill Clinton dhe ai rus Boris Yeltsin nënshkruan marrëveshjet e Kremlinit, për t’i dhënë fund marrjes në cak të ndonjë shteti me raketa, si dhe për të çaktivizuar arsenalin bërthamor të Ukrainës.

1996 – Jorge Sampaio u zgjodh president i Portugalisë.

1996 – Juan Garcia Abrego u arrestua nga agjentët meksikanë. Baroni i drogës iu dorëzua FBI-së një ditë më vonë.

2000 – Tribunali i Hagës dënoi katër kroatë të Bosnjës me 25 vjet burgim për masakrën më 1993 të mbi 100 boshnjakëve në një fshat të Bosnjës.

1559 – Mbretëresha Elizabeth I kurorëzohet mbretëreshë e Anglisë në Westminster Abbey, Londër.

1582 – Rusia ia dorëzon Livornian dhe Estoninë Polonisë.

1759 – Hapet muzeu britanik.

1949 – Forcat e Partisë Komuniste të Kinës marrin Tianjinin nga Qeveria Kombëtare.

1951 – Ilse Koch, “The Bitch of Buchenwald”, bashkëshortja e komandantit të kampit të përqendrimit Buchenwald, dënohet me vdekje nga një gjykatë në Gjermaninë Perëndimore.

1969 – Bashkimi Sovjetik lanson raketën “Soyuz 5”.

1970 – Muammar al-Qaddafi shpallet kryeministër i Libisë.

1976 – Sulmuesja e presidentit amerikan Gerald Ford, Sara Jane Moore, dënohet me burgim të përjetshëm.

1991 – Afati i fundit i përcaktuar nga OKB-ja për tërheqjen e forcave irakiane nga tokat e okupuara të Kuvajtit skadon, duke e hapur rrugën për fillimin e operacionit “Stuhia e shkretëtirës”.

1992 – Komuniteti ndërkombëtar njeh pavarësinë e Sllovenisë dhe të Kroacisë nga Republika Socialiste Federative e Jugosllavisë.

1993 – Salvatore Riina, bosi i mafisë, i njohur si “Bisha”, arrestohet në Sicili, pas tri dekadash arrati.

1999 – Mbi 45 shqiptarë në fshatin kosovar Reçak vriten nga forcat e sigurimit të Jugosllavisë.

2001 – Wikipedia, enciklopedia më e madhe pa pagesë, del për shfrytëzim në Internet.

2007 – Barzan Ibrahim al-Tikriti, ish-shefi i inteligjencës irakiane dhe gjysmëvëllai i Saddam Husseinit, dhe Awad Hamed al-Bandar, ish-kryeprokurori i Gjykatës Revolucionare, ekzekutohen me varje në Irak.

2009 – Fluturimi 1549 i “US Airways” bën një ulje emergjente në lumin Hudson, pak pas ngritjes nga aeroporti “LaGuardia” në New York. Të gjithë udhëtarët dhe ekuipazhi shpëtuan pa lëndime.

1419 – Henry V i Anglisë, në luftën njëqindvjeçare kompleton pushtimin e Normandisë.

1899 – Formohet Sudani egjiptiano-britanik

1917 – Ministria e Jashtme gjermane i kishte shkruar telegram Ministrisë së Jashtme meksikane, ku i bëhej ftesë të hynte në aleancë kundër Shteteve të Bashkuara të Amerikës.

1920 – Senati i Shteteve të Bashkuara të Amerikës votoi kundër hyrjes së SHBA-së në Lidhjen e Kombeve.

1949 – Kuba e kishte njohur shtetin e Izraelit.

1966 – Indira Ghandi u zgjodh kryeministre e Indisë.

1983 – Në Bolivi u arrestua nazisti Klaus Barbie, i dyshuar për shumë krime lufte kundër hebrenjve gjatë Luftës së Dytë Botërore.

1997 – Yasar Arafati kthehet pas 30 vjetësh në Hebron në ceremoninë e dorëzimit të qytetit palestinez, deri atëherë të kontrolluar nga shteti izraelit.

2007 – Hrant Dink, gazetar armen, u vra me të dalë nga zyra e gazetës nga ultranacionalisti turk, 17-vjeçari Ogun Samast.

1921 – Miratohet Kushtetuta e parë e Turqisë, duke sjellë ndryshime fundamentale për sovranitetin e shtetit mysliman.

1936 – Edward VIII bëhet Mbret i Britanisë së Madhe.

1937 – Franklin Roosevelt inaugurohet për mandatin e dytë si president i Shteteve të Bashkuara të Amerikës. Ky ishte inaugurimi i parë i caktuar për 20 janar, pas adoptimit të Amendamentit të 20-të. Më herët inaugurimet mbaheshin më 4 mars.

1961 – John F. Kennedy inaugurohet si presidenti më i ri në historinë amerikane dhe si katoliku i parë roman.

1981 – Irani liron 52 pengje amerikane, njëzet minuta pasi Ronald Reagan inaugurohet president i SHBA-së në moshën më të shtyrë, 69-vjeçare.

1986 – Martin Luther King Jr. festohet për të parën herë si festë federale amerikane.

1987 – I dërguari i Kishës së Anglisë, Terry Waite, rrëmbehet në Liban.

1990 – Masat energjike të ndërmarra kundër demonstruesve pro-pavarësi të Azerbajxhanit nga ushtria sovjetike në Baku shënohet si “janari i zi”.

2001 – Presidenti i Filipineve, Joseph Estrada, rrëzohet nga pushteti në revolucionin jo të dhunshëm katërditor dhe zëvendësohet nga Gloria Macapagal-Arroyo.

2009 – Barack Obama inaugurohet si presidenti i 44-të i SHBA-së, duke u bërë kështu i pari afroamerikan që zgjidhet në këtë post.

1905 – Lindi në Paris Christian Dior, njëri prej kreatorëve më të mëdhenj të modës në botë.

1925 – Shqipëria shpall veten Republikë të pavarur.

1977 – Presidenti amerikan, Jimmy Carter, i falë pothuajse të gjithë amerikanët që iu shmangën thirrjes për pjesëmarrje në luftën e Vietnamit, disa prej të cilëve kishin ikur në Kanada.

1981 – Autoritetet në Teheran lirojnë pengjet nga Shtetet e Bashkuara të Amerikës, pasi t’i kenë mbajtur ata për 444 ditë rresht.

2004 – Sonda amerikane në planetin e Marsit “MER-A” ndërpret komunikimin me misionin kontrollues. Problem kishte paraqitur një prishje në sistem dhe ajo ishte riparuar në mënyrë të kontrolluar nga toka më 6 shkurt.

2006 – Vdes në moshën 62-vjeçare presidenti i Kosovës, Ibrahim Rugova.

2008 – Ndodh e hëna e zezë në tregjet financiare të mbarë botës. Bursat amerikane shënojnë rënien më të madhe brenda një dite në histori, ndërsa ato evropiane u mbyllën me rezultatet më të këqija që nga 11 shtatori i vitit 2001. Bursat e Azisë përmbyllën ditën me një rënie prej 15 për qind.

41 – Pas një nate të gjatë me bisedime, Senati romak vendos ta pranojë Claudiusin si perandor.

1327 – Edwardi II shpallet mbret i Anglisë.

1494 – Alfonso II shpallet mbret i Napolit.

1879 – Themelohet Banka Kombëtare Bullgare.

1918 – Ukrainasit shpallin shtetin e tyre të pavarur, duke u ndarë nga Rusia Bolshevike.

1919 – Themelohet Lidhja e Kombeve pas bisedimeve të gjata dhe mendimeve të ndryshme. Shtetet e Bashkuara të Amerikës mendonin se pas Luftës së Parë Botërore duhej të krijohej një trup ndërkombëtar i të gjitha kombeve.

1942 – Tajlanda i shpall luftë Shteteve të Bashkuara të Amerikës dhe Mbretërisë së Bashkuar.

1955 – Bashkimi Sovjetik e shpalli të përfunduar gjendjen e luftës me Gjermaninë.

1340 – Mbreti i Anglisë, Edward III, shpallet mbret i Francës.

1500 – Vicente Pinzon bëhet evropiani i parë që shkel në Brazil.

1531 – Lisbona e Portugalisë dridhet nga një tërmet i madh që lë të vdekur mijëra persona.

1837 – Michigan pranohet si shteti i 26-të i Shteteve të Bashkuara të Amerikës.

1841 – Mbretëria e Bashkuar e pushton zyrtarisht Hong-Kongun, prej të cilit më vonë heq dorë Kina.

1861 – Louisiana tërhiqet nga Bashkimi i Shteteve për shkak të luftës civile amerikane që zhyti SHBA-në në kaos. Shumë shtete ishin tërhequr nga Unioni pasi që i frikësoheshin përhapjes së luftës. Por ato përsëri iu kthyen Unionit.

1870 – Virginia i bashkohet Unionit pas përfundimit të luftës civile.

1942 – Arrijnë forcat e para amerikane në Evropë, duke aterruar në Irlandën Veriore.

1965 – Hindi shpallet gjuhë zyrtare e Indisë.

1980 – Izraeli dhe Egjipti rivendosin marrëdhëniet diplomatike. Fqinjët kishin acaruar raportet për shkak të luftës arabo-izraelite.

1998 – Zbulohet skandali i Shtëpisë së Bardhë, i njohur si afera Lewinsky. Ish-presidenti Bill Clinton kishte pranuar më vonë se kishte lidhje jashtëmartesore me këshilltaren Monica Lewinsky.

98 – Trajani bëhet Perandor romak, pas vdekjes së Nervas.

1593 – Vatikani hap gjykimin shtatëvjeçar të dijetarit Giordano Bruno.

1785 – Themelohet Universiteti i famshëm i Georgias, duke u bërë kështu universiteti i parë publik në Shtetet e Bashkuara të Amerikës.

1944 – Ofensiva e suksesshme sovjetike rezulton me dëbimin e trupave gjermane nga Leningradi, i cili ishte i rrethuar për rreth 900 ditë resht, që nga shtatori i vitit 1941.

1945 – Armata e Kuqe çliron kampon më të madh nazist të përqendrimit Auschwitz, në Poloninë Jugore.

1967 – Tre astronautë amerikanë humbin jetë, kur një zjarr përfshin kapsulën “Apollo”, gjatë lansimit nga Cape Kennedy.

1973 – Marrëveshja paqësore e Parisit zyrtarisht i jep fund Luftës së Vietnamit. Koloneli William Nolde vritet në një aksion ushtarak, duke u bërë viktima e fundit e regjistruar amerikane në këtë konflikt.

1980 – Lideri i opozitës së Rhodesisë, Zimbabvesë së dikurshme, Robert Mugabe, realizon një kthim triumfal në vendlindjen e tij, pas pesë vjetësh azil.

1984 – Këngëtari i muzikës pop, Michael Jackson, pëson djegie të shkallës së dytë dhe të tretë në lëkurën e kokës, gjatë xhirimit të një reklame për kompaninë e pijeve “Pepsi”.

1547 – Vdes mbreti i Anglisë, Hanry VIII. Atë në këtë post e trashëgon i biri i tij nëntëvjeçar, Edward VI.

1757 – Ahmed Shah, mbreti i parë i Afganistanit, pushton Delhin dhe e anekson Punjabin.

1871 – E rrethuar nga trupat prusiane dhe e goditur nga uria, ushtria franceze dorëzohet në Paris.

1909 – Shtetet e Bashkuara të Amerikës përfundojnë kontrollin e drejtpërdrejt mbi Kubën.

1918 – Bolshevikët okupojnë Helsinkin, Finlandë.

1921 – Albert Einstein çudit Berlinin, duke sugjeruar se ekziston mundësia e matjes së universit.

1935 – Islanda bëhet shteti i parë perëndimor që legalizon abortin për qëllime terapeutike.

1956 – Lindi presidenti aktual i Francës, Nicolas Sarkozy.

1982 – Policia italiane shpëton gjeneral brigadierin amerikan, James Dozier, i cili ishte mbajtur peng nga Brigada e Kuqe për 42 ditë.

1986 – Kapsula hapësinore amerikane “Challenger” shpërthen pak pas ngritjes, duke shkaktuar vdekjen e shtatë astronautëve që ndodheshin në bordin e tij.

1990 – Me mijëra demonstrues i vërshojnë rrugët e kryeqytetit rumun, Bukuresht, për të protestuar

1327 – Tinejxheri Edwardi III shpallet mbret i Anglisë, por vendi qeveriset nga Mbretëresha Isabella dhe i dashuri i saj, Rogerr Mortimer.

1793 – Franca i shpall luftës Mbretërisë së Bashkuar dhe Holandës. Këto luftëra shin shpallur në kohën e luftërave revolucionare franceze.

1861 – Gjatë luftës civile amerikane, Teksasi vendos të ndahet nga Bashkimi i Shteteve. Gjatë luftës civile shumë shtete amerikane që nuk ishin përfshirë në luftime u ndanë, por ato iu bashkuan Unionit pas përfundimit të konfliktit.

1918 – Rusia adapton kalendarin gregorian.

1924 – Mbretëria e Bashkuar njeh formimin e Bashkimit të Republikave Sovjetike.

1943 – Ushtria e tetë gjermane dorëzohet në Stalingrad gjatë luftimeve të Luftës së Dytë Botërore.

1978 – Regjisori Roman Polanski arratiset nga Shtetet e Bashkuara të Amerikës për në Francë pasi ishte akuzuar për dhunim të një vajze të mitur. Ai kishte paguar lirinë me kusht derisa procesi po vazhdonte, gjatë së cilës kohë ai u arratis.

1979 – Ayatollah Khomeini mirëpritet përsëri në Teheran, pasi lideri iranian qëndroi për 15 vjet në ekzil.

1790 – Mblidhet për herë të parë Gjykata Supreme amerikane.

1878 – Greqia i shpall luftë Turqisë. Greqia dhe Turqia ishin fqinje që për kohë të gjatë kanë pasur armiqësi. Raportet e tyre kanë reflektuar edhe në gjendjen e Qipros së ndarë, e cila po zhvillon bisedime për bashkimin e shtetit ishullor.

1920 – Franca pushton Memelin.

1933 – Lideri nazist gjerman, Adolf Hitler, shpërndan Parlamentin. Lideri gjerman deri më 1939 forcoi pushtetin dhe fuqinë e shtetit gjerman, në atë shkallë saqë të luftonte kundër aleatëve në Luftën e Dytë Botërore.

1940 – Frank Sinatra debuton me orkestrën Tommy Dorsey.

1980 – Themelohet Partia Revolucionare Komuniste e Turqisë.

1989 – Trupat e fundit sovjetike tërhiqen pas dhjetë vjetësh luftimesh në Afganistan. Ato ishin të vendosura në kryeqytetin Kabul. Trupat sovjetike u tërhoqën kokulur për shkak se kishin pësuar humbje të mëdha nga militantët muhaxhedinë.