Të sigurojmë 100 njohje, pastaj të bisedojmë

nga **Binni** Sun 5 Sep 2010 - 6:02

Bisedime ndërmjet Prishtinës dhe Beogradit do të ketë, pa marrë parasysh rezolutën e Serbisë, ndryshimin apo mosndryshimin e kësaj rezolute. Kosova duhet ta caktojë një pikë të vetën që të ulet me Serbinë në ato bisedime. Çështja më e rëndësishme është që të rritet numri i njohjeve, që të arrijmë numrin 100, e pastaj të ulemi e të bisedojmë. Kështu ka thënë në një intervistë për Radion Evropa e Lirë, drejtori i Institutit Kosovar për Kërkime dhe Zhvillime të Politikave (KIPRED), Ilir Deda.

“Bisedimet Prishtinë - Beograd janë bërë agjendë e bashkësisë ndërkombëtare, e sidomos e Bashkimit Evropian, nga fillimi i vitit 2010. Vetëm se opinioni i Gjykatës Ndërkombëtare të Drejtësisë, që e favorizoi Kosovën, e ka zënë në habi edhe vetë BE-në, e cila ka pasur një agjendë tjetër për zhvillim të bisedimeve. Brukseli dëshironte që, në qoftë se mendimi do të ishte neutral, bisedimet të fillonin në gusht, duke marrë parasysh që në rast se mendimi i GJND-së nuk ishte neutral atëherë edhe ngutja për këto bisedime nuk ka kuptim”, ka thënë Deda.

Duke mirëpritur njohjen nga Hondurasi, Deda ka thënë se çështja më e rëndësishme është që të rritet numri i njohjeve, ta mbërrijmë numrin 100 pastaj të ulemi të bisedojmë me Serbinë pa marrë parasysh kur do të ndodhë kjo.

Sipas tij, gjasat janë jashtëzakonisht reale që bisedimet të ndodhin sivjet, duke pasur parasysh që BE-së po i ngutet që të ketë bisedime Prishtinë-Beograd, por “nuk do të jetë kaq lehtë dhe do të jetë shumë më i komplikuar, sidomos draftimi i agjendës për bisedimet e ardhshme ndërmjet Kosovës dhe Serbisë, kjo duke marrë parasysh kundërthëniet e mëdha që ekzistojnë ndërmjet mes dy vendeve dhe atë se çka dëshirojnë të nxjerrin nga bisedimet Serbia dhe Kosova”.

Deda thotë se njohja e Kosovës nga Serbia nuk është parakusht për zhvillimin e këtyre bisedimeve, por “ndoshta ajo duhet të jetë përfundimi i bisedimeve; normalizimi duhet të jetë një datë kur Serbia do ta njohë Kosovën”. Megjithatë, thotë ai, e rëndësishme është që të jemi të përfaqësuar në mënyrë të barabartë dhe tavolina e bisedave duhet ta reflektojë këtë barazi, domethënë “ne ulemi si shtet i pavarur të bisedojmë me Serbinë për normalizim të marrëdhënieve fqinjësore”.

nga Vizitor Sun 5 Sep 2010 - 6:07

http://sq.wikipedia.org/wiki/Njohja_e_Kosov%C3%ABs_si_shtet_i_pavarur

Ketu mund te gjejme te dhena dhe analiza fikse, per cdo lloj lajmi besoj.

Të sigurojmë 100 njohje, pastaj të bisedojmë

Të sigurojmë 100 njohje, pastaj të bisedojmë

Re: Të sigurojmë 100 njohje, pastaj të bisedojmë