GJYKATA\Burg per vrasesit e te miturit per nji varse floriri...

Shkodër/ 15 Shtator - Tre ditë pas vrasjes së 14-vjeçarit nga Dukagjini, vetëm për një varëse floriri, dy vëllezërit e akuzuar janë lënë në “arrest me burg” ndërsa adoleshenti Sokol Macaj do të qëndroje vetëm 10 ditë në qeli për shkak të bashkëpunimit me drejtësinë. 26-vjeçari Edmond Kodra mohoi para trupit gjykues pjesëmarrjen ne vrasjen e Agim Leres, duke fajësuar të vëllanë dhe shokun e tij.
Por pavarësisht pretendimit te të pandehurit, gjykata dha masën e kërkuar nga Prokuroria. Ndërsa procesi ndaj dy të akuzuarve te tjerë është zhvilluar pa praninë e medias për shkak të moshës se tyre te mitur. Sipas policisë dy vëllezërit dhe bashkëfshatari i tyre 15-vjeçar kane keqtrajtuar fizikisht dhe me pas e kane mbytur ne lumin e fshatit te miturin, i cili ka refuzuar tu jepte një varëse floriri. Fillimisht autorët tentuan ta paraqesin gjithçka si aksident, por gjatë ekspertizës së kufomës u vunë re shenjat e dhunës në trup dhe kryesisht në qafë gjatë mbytjes ne lumë.