ITALI\Cifti shqiptaro-italian tenton vetevrasje me gaz

Milano/ 15 Shtator - Një çift shqiptaro-italian janë shpëtuar nga policia pasi po i jepnin fund jetës me bombola gazi, që do ti shpërthenin. Ngjarja ka ndodhur në Milano, Itali. Emrat e dy personazheve nuk janë bërë të ditur nga policia, por janë

shoqëruar për në spital. Sipas të dhënave, çifti kishte tentuar të vriste veten dhe në vitin 2006, kur kishin lëshuar gazin në apartament.

Por më shumë se çifti, fqinjët e tyre jetonin prej kohësh në terror. Një prej tyre ka treguar për gazetën italiane “La Republica”, se jetonin prej vitesh në terror dhe prisnin nga momenti në moment që banesa e çiftit të shpërthente. Por sot ka përfunduar dhe ankthi për ta. Çifti kishte vendosur që të vetëvritej duke ndezur një shkrepse pasi kishin lëshuar gazin në banesë. Por fqinjët kanë njoftuar karabinierët për ngjarjen që pritej të ndodhte mëngjesin e sotëm.

Ishte pronari i një lokali në katin e parë të pallati që kishte dhënë alarmin. Ai kishte ndjerë erën e fortë të gazit dhe kishte njoftuar menjëherë zjarrfikësit. Në vendin e ngjarjes kanë mbërritur dhjetëra karabinierë dhe zjarrfikës të cilët kanë ndërhyrë dhe kanë bllokuar rrjedhjen e gazit. Ndërkaq që dy personat janë dërguar në spital.