Serbi, 10 milionë euro për kapjen e Mladicit

nga **Binni** Thu 28 Oct 2010 - 10:13

Qeveria e Serbisë ka miratuar shpërblimin në vlerë prej 14 milionë dollarësh për kapjen e Ratko Mladicit, i cili akuzohet nga Gjykata e Hagës për ish Jugosllavinë për gjenocid dhe krime lufte gjatë luftës në Bosnje.
Ndërkohë, qeveria serbe ka miratuar edhe shpërblimin prej një milion dollarësh për kapjen e Goran Hadzicit, gjithashtu i kërkuar nga drejtësia ndërkombëtare për krimet e kryera gjatë luftës në Kroaci. Hadzicit ka qenë udhëheqës i serbëve të Kroacisë gjatë konfliktit të viteve të nëntëdhjeta.
Të dy të kërkuarit besohet se fshihen në Serbi, ndërsa arrestimi dhe dërgimi i tyre në Hagë është një nga kushtet që duhet të përmbushë Serbia në rrugën e integrimit në BE.