Nuanca të errëta për një pamje natyrale

nga Emona Wed 1 Dec 2010 - 21:30

Grimi modern për këtë sezon është i pasur me nuanca të errëta dhe të thella të ngjyrës vjollcë që u përshtatet mbrëmjeve dhe tonet kafe janë mirë për grimin e ditës.
Me kalimin e kohës dhe ardhjen e ditëve të ftohta, vëmendje të veçantë duhet t’i kushtoni grimit pamarre parasysh se bëhet fjalë për grim dite ose nate. Nëse deri më tani nuk keni ndryshuar metodën e grimit, koha është që të zbatoni disa nga këshilla që do t’ua ofrojmë. Grimi i vjeshtës më së shumti u përshtatet atyre grave që me të vërtet kënaqen kur bëjnë makijazh, sepse në këtë stinë lejohet që të bëni makijazh pak më të theksuar.

Grimi modern për këtë sezon është i pasur me nuanca të errëta dhe të thella të ngjyrës vjollcë që u përshtatet mbrëmjeve dhe tonet kafe janë mirë për grimin e ditës. Gjithashtu, lejohet që të keni grim më të errët për një paraqitje glamuroze. Kjo do të thotë të harroni ngjyrat e çelura dhe intensive sidomos atyre që kanë shkëlqim.

Me të kuqin e fytyrës do të lyeni vetëm pjesën e poshtme të mollëzave të faqeve, që të dukeni të shëndetshëm dhe të freskët, buzët duhet t’i keni me tone natyrore, ndërsa për daljet në mbrëmje vini buzëkuq me ngjyrë të kuqe që i përshtatet tenit tuaj. Vetullat le të jenë më të trasha, ndërsa ngjyra e thonjve lë të jetë më e errët. /Telegrafi/