Murinjo kërkon sulmues

Trajneri i Realit të Madridit, Hose Murinjo, shpreson se do të mund ta përforcojë skuadrën me një qendërsulmues në afatin e janarit, ngase pas lëndimit të Gonzalo Higuainit i ka mbetur në dispozicion vetëm francezi Karim Benzema. Megjithatë, ‘dritën e gjelbër’ për t’u aktivizuar në tregun e janarit duhet ta japë fillimisht drejtori sportiv, Horhe Valdano. “Puna ime nuk është sjellja e lojtarëve, por që në fillim të edicionit kam thënë se do ta kem të vështirë vetëm me Higuainin dhe Benzemën në sulm. Ndërsa, në rast se duhet ta vazhdojë pjesën tjetër të edicionit vetëm me Benzemën, atëherë situata do të jetë edhe më e vështirë. Sidoqoftë është drejtori sportiv ai i cili pyetet për këtë çështje, prandaj më mirë është ta pyesni atë nëse do të blejmë në janar apo jo”, u ka thënë Murinjo gazetarëve spanjollë.

e pra se bejne sikur Reali eshte skuadra me e mir ne bote,po Ronaldo ku eshte apo po han pershesh me kos.