Qerpikët artificialë

Një kujdes i veçantë duhet t’i kushtohet higjienës së qerpikëve artificialë, në mënyrë që të mos vijë deri te ndonjë infeksion
Qerpikët artificialë, sa çil e mbyll sytë, mund t’ju japin një pamje seksi dhe glamuroze. Por, vënia e tyre nuk është edhe aq e thjeshtë, sikur që mund të mendohet. Ja disa këshilla të rëndësishme.

Te vënia e qerpikëve artificialë, me rëndësi është që ato të jenë të renditura sipas gjatësisë, ku më të gjatët duhet të jenë në pjesën e jashtme të syrit, kah tëmthat, e më të shkurtra kah hunda.

1. Para se ta veni kurorën e qerpikëve, vizatoni me ajlajner vijën e qerpikëve të epërm. Më pas, fërkojeni pak linjën e vizatuar, në mënyrë që të fitoni një efekt ‘mjegullor’. Kjo do të mundësojë që të mbetet pa u dukur shiriti që mbanë qerpikët artificialë.

2. Qiteni ngjitësin në gisht dhe ngadalë lyejeni shiritin e qerpikëve artificialë. Pritni disa sekonda. Nëse vendosni që të vini qepalla pjesë-pjesë, të cilat duken më mirë, atëherë skajet e tyre duhet t’i zhytni në ngjitës, e më pas, me pincë, ngjitni në sy.

3. Ngjiteni kurorën e qerpikëve në kapakun e epërm, sa më afër vijës së qerpikëve natyrorë, duke i shtrënguar paksa me gishta. Edhe qerpikët e ndarë duhet t’i veni në kapakun e epërm, kah këndi i jashtëm i syve.

4. Në fund, me anë të lakuesit, lakoni qerpikët natyrorë dhe ata artificialë, si dhe vejeni maskarën.

Një kujdes i veçantë duhet t’i kushtohet higjienës së qerpikëve artificialë, në mënyrë që të mos vijë deri te ndonjë infeksion.

Qerpikët artificialë hiqen me tretës specifikë, gjë që duhet ta bëni me kujdes, në mënyrë që të mos dëmtoni qerpikët natyrorë

E me keto qerpiket artificiale po dalin ca si shum ne mode.

Une do ti vendos ne qershor...po jo si ato qe thote Klea...se ato duken si qerpike kukulle...do ti ve extensions duken si origjinale dhe shume bukur..per me teper eliminon rimelin...po te duash nuk e ve se ska nevoje.