Zyrtarizohet lidhja e Stresit me Enxhin

Lidhja e tyre ka zënë për javë e javë të tëra faqet e gazetave rozë… Të qenit të 2 personazhe të dashur të ekranit ua ka vështirësuar pak këtë raport, megjithatë asgjë nuk është e pamundur kur ekziston dashuria. Fjala është për të shumëkomentuarit, Arkimed Lushaj dhe Enxhi Kamenica…Lidhja e tyre do të jetë në fokus edhe sot në “Bluetooth”, vetëm se këtë herë në ndryshim nga rastet paraardhëse kur lajmi nuk i ka kaluar kufijtë e një thashethemi, do të shtojmë edhe fotot e nxehta të çiftit, për të cilat asnjëri prej të dyve nuk mund të bëj një përgënjeshtrim. Në të gjitha intervistat e deritanishme të Stresit, apo të Enxhit qoftë, përgjigja e tyre ndërsa i pyesnin për raportin ka qenë klishe: “Doni një lajm të ftohtë tani, apo një të nxehtë pas disa kohësh?!”. Tanimë s’do të kemi më nevojë për një pohim nga goja e tyre sepse 1 foto flet më shumë se sa 1000 fjalë.
Stresi thyen dorën në Zvicër, shtyhet konkurrimi në ‘Top Fest’
Prej më shumë se 1 viti e gjysmë ai është bërë pjesë integrale e tregut muzikor në Shqipëri me hitet e tij super të dëgjuara. Është shumë i pëlqyer nga publiku shqiptar dhe arritja e tij e fundit në muzikë daton në natën finale të festivalit “Kënga Magjike 2010”, ku Stresi u vlerësua me çmimin “Best Hip-Hop”, në një garë të fortë ku nuk mungonin as emra të njohur të këtij zhanri në Shqipëri. Festivali i rradhës ku do ta shohim si konkurrent është “Top Fest 8”. Në fakt prezantimi i duetit të tij me këngëtaren Ronela Hajati ishte paralajmëruar që do të ndodhte këtë të martë, por planet janë prishur. Shkak për këtë shtyrje është bërë një aksident që ka pësuar reperi i famshëm në Zvicër, si pasojë e të cilit tashmë Stresi është me një dorë të thyer… Kjo gjë e ka detyruar ta shtyjë për një datë të dytë koncertin që kishte në Zvicër e si pasojë edhe konkurrimin në “Top Fest 8”. Sa i përket këtij konkurrimi kemi mësuar se muzika është shkruar nga kompozitori i njohur Flori Mumajesi, ndërsa për tekstin është kujdesur vetë Stresi.Tashmë duket se ajo i ka thënë STOP të gjitha ofertave për punësim. Është ‘free’, dhe e përkushtuar 100% tek studimet dhe jeta private. Duke qenë se këtë vit Enxhi përfundon studimet në drejtësi, kërkon që t’i japë prioritet kryesor shkollës. Nga ana tjetër ajo kërkon që të jetë më e përkushtuar në marrëdhënien e saj në çift pasi duket se gjërat janë bërë shumë serioze në relatën e tyre. Përveç të mësuarit në këtë periudhë sezoni, Enxhit i ha jo pak kohë edhe facebook-u. Sidomos në këtë periudhë që nuk e ka Stresin afër. Për të marrë ‘hak’ ndaj vonesave të tij, dhe për të mos qenë e vetmja viktimë e hacker-ave, ajo ia ka vjedhur adresën e facebook-ut të dashurit të saj. Ky veprim ka ngjallur reagimin e shumë prej fansave të Arkimedit, por megjithatë Enxhi është e vendosur në misionin e saj…

cmi kan ca veshet keta te dy,,,,,,,,,,,,