Shtyhet regjistrimi i popullsisë

Partnerët e koalicionit qeverisës - Bashkimit Demokratik për Integrim (BDI) dhe VMRO-DPMNE, janë marrë vesh për anulimin e regjistrimit. Vendimi ka ardhur pas takimit të së hënës të ka realizuar midis liderit të BDI-së, Ali Ahmeti dhe kryetarit të VMRO-DPMNE-së, Nikola Gruevski.

Lajmi për anulimin e regjistrimit për portalin Zhurnal e kanë konfirmuar edhe burime të larta qeveritare, sipas të cilave vendimin përfundimtar do ta merr Qeveria të martën në seancën e radhës.

“Në takimin e Ahmetit me kryeministrin Nikola Gruevski është biseduar për mundësinë e shkuarjes në zgjedhje të parakohshme parlamentare me konsensus të të gjitha partive politike në vend, përfshirë edhe opozitën maqedonase. Po ashtu në këtë takim është biseduar edhe për mundësin e shtyrjes së procesit të regjistrimit të popullatës i cili duheshe të mbahet nga 1 deri në 15 prill, dhe për këtë pikë të dy liderët e partive partner të koalicionit kanë rrenë dakord”, njoftuan burime qeveritare.

Ndërkohë lideri i BDI-së të hënën ka realizuar një takim me ambasadorin e SHBA-ve në Maqedoni, Philip Reeker. Në takim është diskutuar për zhvillimet e fundit në Maqedoni, e në veçanti për gjendjen e krijuar rreth mbajtjes së zgjedhjeve të parakohshme.

Po ashtu mësohet se Ahmeti dhe Reeker gjatë takimit kanë diskutuar edhe për takimin që pati kryeministri Gruevski në Washington me zyrtarët e lartë të shtetit - zëvendëspresidentin Joe Biden dhe Sekretaren e Shtetit, Hillary Clinton. /Telegrafi/