Njerëzit më të pasur të botës sipas “Forbes”

nga **Katniss** Thu 10 Mar 2011 - 9:43

Biznesmeni meksikan Carlos Slim për të dytin vit radhazi është personi më i pasur në botë me një pasuri prej 74 miliardë dollarësh
Bill Gates, i Mikrosoft është i dyti ndërsa të ardhurat e tij për këtë vit janë rritur nga 3 miliardë në 56 miliardë dollarë. Warren Bufett drejtori ekzekutiv i Berkshire Hathaway është në vend të tretë me 50 miliardë.
Bie në sy në këtë klasifikim edhe Mark Zuckerberg, 26 vjecari bashkëthemelues dhe drejtor ekzekutiv i rrjetit social Facebook, I cili ka hipur në vendin e 52 në listën e biliarderëve, nga vendi i 212 që ishte vitin e kaluar
Ndërsa Berluskoni, politikani me 9 jetë, siç e quan ‘Forbes’, nuk ka mundur të hyjë as në 30-shen e parë të klasifikimit.
Mbase festat luksoze e dhuratat e shtrenjta që bën pa kufi, e kanë varfëruar disi Kavaljerin
Revista “Forbes” thotë se në botë ka gjithsej 1.210 miliarderë. Sipas saj Rusia ka më shumë se 100 miliarderë, dhe se më shumë miliarderë jetojnë në Moskë se në çdo qytet tjetër të botës.

Në raportin vjetor për njerëzit më të pasur në botë, “Forbes” shkruan se numri i miliarderëve në Rusi ka shkuar në 101 nga 65 sa ishte vitin e kaluar.

Vetëm në Moskë jetojnë 79 miliarderë, shkruan revista amerikane, sipas së cilës, miliarderët rusë përbëjnë një të tretën e e miliarderëve në Evropë.

Ndërkohë që Kina ka 115 miliarderë, ndërsa SHBA kanë 413 miliarderë. Në krahasim me 2008, kur njiheshin 1, 125 miliarderë, ka një numër rekord të bilionerëve për këtë vit. Listës së miliarderëve për vitin 2011 i janë shtuar 214 emra.