"Jashtëtokësori i vdekur” doli se ishte bukë bajat

nga **Katniss** Fri 22 Apr 2011 - 5:47

Studentët që publikuan videon e trupit të jashtëtokësorit të vdekur në atë që besohej se ishte vendi i përplasjes së një UFO pranuan se ishte mashtrim – i bërë nga buka bajat dhe lëkura e pulës.

Videoja e postuar në YouTube e xhiruar nga Timur Hilall, 18 vjeçar, dhe Kirill Vlasov, 19 vjeçar, gjoja të një jashtëtokësori të ngrirë në borën e Siberisë në qytetin Irkutsk, u bë sensacion në mbarë botën.

Tash djemtë kanë pranuar se ishte vetëm një rreng pasi ishin marrë në pyetje nga policia. Zëdhënësi i ministrisë së punëve të brendshme i Rusisë tha: “Ne gjetëm jashtëtokësorin në shtëpinë e njërit prej studentëve. Ai ishte i fshehur nën shtratin e tij dhe pas ekzaminimit zbuluam se ishte punuar nga buka bajat dhe ishte mbuluar me lëkurë të pulës”.

Tash policia dhe prokurorët janë duke shqyrtuar nëse djemtë kanë kryer ndonjë krim me veprimin e tyre. “Se çfarë do të bëjmë me ta ende nuk e dimë”, tha zëdhënësi.

Trupi i çuditshëm u paraqit pas raporteve të medieve ruse se një UFO ishte përplasur në atë rajon muajin e kaluar. /Telegrafi/