Nëna të pamartuara

Ato meritojnë gjithë mbështetjen
dhe dashurinë tonë
Vrapojnë çdo ditë, për të përballuar mijëra detyrime në punë dhe
në shtëpi. Janë femra dinamike që fatkeqësisht, ende në shoqërinë
bashkëkohore, disa i shohin shtrembër.
Një shoqëri, që e
ka të vështirë të pranojë atë që konsiderohet “ndryshe”, ndryshe
nga rregullat, që vetë njerëzimi ka vendosur. Vështirësitë e
një nëne të pamartuar janë të shumta
dhe rritja e fëmijës, për
to është një mundim i vazhdueshëm. Është zgjedhja e tyre apo
rrjedhojë e jetës, kjo nuk ka rëndësi. Ato meritojnë përkrahje
dhe mbështetje si nga shteti, ashtu edhe nga të gjithë ne.
Në shoqërinë e sotme, gjithmonë e më tepër shohim rreth
nesh nëna, të pamartuara. Por, a kanë këto nëna në Greqi, të drejta të
veçanta dhe ndihma financiare, që mund t’i ndihmojnë?
Kjo është një pyetje që na është drejtua r në redaksi
nga një nënë, e cila jeton në Greqi, por është e pamartuar.
E quajnë Keta dhe është nga Durrësi. Ajo do të dijë nëse ka
të drejtë, si e huaj, të marrë ndihmë si nënë e pamartuar?
Fitojnë një gjë të tillë?.
Ne pyetëm dhe po ua paraqesim me hollësi, jo
vetëm për vajzën që ka këtë pyetje, por edhe për ju që
doni të mësoni. Për të pasur këto të drejta, një nënë e huaj
duhet që pikë së pari ,të jetë me dokumente të rregullta.
Mbështetja ligjore Në Greqi, nëna e pamartuar,
që në vitin 1983 (ligji 1329) ka ato të drejta dhe detyrime,
si nënat e martuara.
Të drejtat dhe ndihmat drejt
saj janë kryesisht të njëjtat me familjet me një prind,
qoftë për shkak divorci, apo vdekjeje. Por, kuptohet që
kjo nuk është e mjaftueshme. Në një studim të EKKE, para
dy vjetësh u zbulua se 35% e këtyre familjeve jetojnë me
më pak se 400 euro në muaj.

Duhet të dini se:
- Ndalohet pushimi nga puna ose trajtim i pafavorshëm për shkak gjinie, shtatzënie apo gjendjes familjare. Janë të vlefshme të gjitha dispozitat e favorshme (leja, orari i pakësuar, kushte të përshtatshme pune) për shtatzëninë, lindjen dhe periudhën pas lindjes.
- Ka gjashtë ditë më shumë leje prindërore
kundrejt pagese, në vit, përveç atyre që kanë të drejtë
të gjithë, derisa fëmija të mbushë 12 vjeç.
- Fëmijët me një prind, kanë përparësi në regjistrimet e kopshteve të OTA dhe organizatave shtetërore.
- Në Greqi, ka mjaft institucione që ndihmojnë familjet me një prind.
- Ka gjithmonë program strehimi për nënat e pamartuara nga Organizata e Strehimit të Punëtorëve, me kushte më të favorshme dhe procedura më të lehta.
- Nënat e pamartuara kanë të drejtë që çdo vit të marrin fletë pushimi nga Organizata e Punëtorëve, pavarësisht nëse e morën atë në vitet e mëparshme.
- Djali i tyre bën 9 muaj ushtri ( i vetmi ose në i madhi).
- Kanë të drejtë për ndihmë financiare 44 euro në muaj, me kusht që të ardhurat e saj të mos kalojnë shumën prej 235 euro, nga Zyrat e Mirëqenies së Bashkisë.
- Në fushën private, leja prindërore (pa pagesë), për kujdesin ndaj fëmijës, ka kohëzgjatje 7 muaj, derisa fëmija të bëhet 3.5 vjeç.
- Në fushën shtetërore, një orë më pak në orarin e punës, ose leje e vazhdueshme për kujdesin ndaj fëmijës rreth 6 ose 1 muaj, përkatësisht.

Po te jem djale,dhe te njoh ndonje nene te pamartuar do te martohesha me te dhe femijes do ti jepja kujdestarin time.