Schwarzenegger e Shriver ndahen pas 25 vjetëve Publikuar: E martë, më 10 maj 2011

nga Emona Thu 12 May 2011 - 5:28

- Ish-guvernatori i Kalifornisë dhe njëherësh aktor i njohur i Holivudit, Arnold Schwarzenegger, dhe gruaja e tij, Maria Shriver, kanë shpallur se po ndahen pas 25 vjet martesë.
“Pas mendimit, reflektimit, diskutimit dhe lutjes së gjatë, erdhëm në këtë vendim”, thanë të dytë në një njoftim.
Ata thanë se po punojnë për të ardhmen e lidhjes së tyre duke jetuar të ndarë, dhe do të vazhdojnë gjithashtu të jenë prindër të katër fëmijëve të tyre, transmetojnë agjencitë.
Schwarzenegger, 63 vjeçar, shtatë vjet ishte guvernator i Kalifornisë, ndërsa mandati i kaloi në muajin janar.

Maria Shriver, 55-vjeçare, mbesë e ish presidentit të vrarë amerikan, John F. Kennedy, e kishte lënë punën si gazetare televizive, kur bashkëshorti i saj ishte bërë guvernator.