Zana Krasniqi “peshkon” një biznesmen

Historia e dashurisë me Lorik Canën u bë një nga lajmet kryesore të mediave rozë në Shqipëri , Kosovë, madje edhe në shtypin e huaj, ku Zana është cilësuar si Victoria Beckham shqiptare.Madje, shpesh u komentua se pikërisht kjo lidhje u bë shkak që Zana Krasniqi të lërë pas vetes modelimin për dashurinë e saj.Ata realizuan edhe një fotosesion për një revistë në Kosovë në studion e Fadil Berishës dhe thuhej se fotografi i njohur ka përdorur imazhin e tyre për arsye marketingu, pasi asnjëri nga protagonistët nuk e pranoi lidhjen publikisht, por vetëm me vendosjen e disa fotove në profilin e Zanës, të cilat ishin realizuar në një dhomë shumë romantike.
Pas ndarjes, Zana Krasniqi ka qenë gjithnjë e më pak në qendër të vëmendjes në mediat shqiptare, por pas një udhëtimi në Shtetet e Bashkuara të Amerikës ajo iu rikthye modelimit, pasi atje realizoi disa fotosesione të reja dhe thuhej se kishte udhëtuar drejt Nju Jorkut për të shqyrtuar disa kontrata të reja me agjencitë amerikane.
Megjithatë, në jetën private nuk ngelet keq. Në ditëlindjen e Dafina Zeqirit ajo është shfaqur e shoqëruar nga një djalë i pashëm dhe shumë simpatik, por duke mos mësuar asgjë më shumë rreth asaj se cili është djali që shoqëronte bukuroshen. Hulumtuam gjithandej, por askush nuk dinte diçka më shumë rreth tij.
Më herët ne kishim mësuar se i dashuri i ri i Zana Krasniqit është një biznesmen shqiptar që jeton në Londër, i cili kishte pasur edhe një aferë dashurie me Melanie Brown (ish-Spice Girl’s), mos ndoshta është pikërisht ai, pasi flitet se ka lënë Londrën për të jetuar në Prishtinë pranë të dashurës së re. Për më shumë, pritet të mësojmë herët e tjera, ndoshta në një rrëfim nga vetë supermodelja. /panoramaplus/

e shesin nderin dhe trupin ca per lek.