Evi Reci: Klipi i fundit justifikoi mungesën time

Dhe jemi të dy” është titulli i këngës me të cilën këngëtarja Evi Reçi surprizoi të gjithë fansat në pragun e këtij fundviti. Sjellë në formën e një dhurate për të gjithë adhuruesit e saj, Evi arriti që të rrëmbente që në minutat e para të publikimit një numër rekord shikuesish. Po si lindi kjo këngë, cila është fabula që trajtohet në të, e më tej gjithçka ndodhi në karrierën e vajzës së talentuar të muzikës gjatë 2010-s, ju ftojmë ta zbulojmë bashkë përmes këtij rrëfimi…
Evi së pari të përgëzojmë për këngën dhe klipin e ri!



Së dyti po fillojmë të të pyesim në lidhje me të. Si lindi ideja për këtë klip?
Koha gjatë së cilës po merresha me këtë këngë, ishte koha kur po zhvillohej festivali “Kënga Magjike”, në të cilin unë nuk mora pjesë andaj dhe mendova që ta plotësoja prezencën time me anë të një klipi. Idenë e kisha të qartë, me pak përpunim dhe dolëm në konluzionin se një klip i tillë i përshatet kësaj kohe.
Kush janë autorët?
Muzika dhe orkestrimi nga Flori Mumajesi, ndërsa teksti nga Ardit Roshi në bashkëpunim me Florin.
Cila është fabula që trajtohet?
Është një këngë që flet për rikthimin e një personi të dashur i cili të ka munguar prej shumë kohësh!
Cila është nota që do t’i vije ti nga ato çka të kanë thënë të tjerët?
Njeriu nuk mund të vlerësojë veten. Kënaqësia ime më e madhe është kur vlerësohem nga të tjerër, pra kur notën ma vënë të tjerët, çfarë do qoftë ajo…
Si do ta cilësojë 2010?
Lodhje dhe arritje!!!
Arritja më e madhe?
Dueti me Florin!
Çfarë pret nga 2011?
Të vazhdoj rrugën që kam nisur…
Do të na zbulosh ndonjë nga planet që do të marrin jetë gjatë këtij viti?
Planet do t’i zbuloni kur të realizohen!
Është në plan ndonjë kompeticion muzikor?
Hyn edhe ky tek planet e mia.
Në apsketin personal çfarë kërkon të të realizohet gjatë 2011?
Mbi të gjitha shëndetin, të realizoj detyrat e mia si studente dhe të vazhdoj karrierën time në muzikë.
Ndonjë djalosh ka hyrë në jetën tënde, apo jemi ende rehat vetëm?
Kjo e fundit! Jemi rehat kështu!

Nga Eraldo Rexho Bluetooth

vec keng dashurie kendojn dhe keta.