Repisti paralizon trafikun ne Time Square, arrestohet

NJU JORK- Një burrë u ngjit në një shtyllë ku ndodhen tabelat që drejtojnë lëvizjen e makinave në Times Square duke bërë që të paralizohej lëvizja në një pjesë të Manhatën. Një numër i madh njerëzish u mblodhën në një kryqëzim rrugësh për të ndjekur përpjekjet e policisë e cila u orvat për mëse një orë ta ulte poshtë njeriun mbi shtyllë.



Burri hipi në shtyllën e tabelave që orientojnë trafikun rreth orës 09:30 të mëngjesit, me orën lokale, ndërkohë që policia bllokoi qarkullimin gjysmë ore më vonë. Teksa polica nisi tratavitat për ta zbritur prej andej burri u ngrit në këmbë në majë të shtyllës dhe nisi të këndonte e kërcente sipas ritmit rrep.



Kalimtarët e rastit shkrepën foto si dhe komentuan me miqtë e tyre në internet veprimet e burrit. Pati nga ata që thanë se ai kishte kërcënuar të hidhej me kokë.

Më në fund, rreth orës 11:15, sipas orës lokale, rrepisti i panjohur u lodh ndaj zbriti me anën e shkallës vënë nga policia. Ai u arrestua menjëherë pas zbritjes në tokë.

Times Square u hap menjëherë më pas për lëvizjen e makinave dhe këmbësorëve

ka dash me ra ne qender te vemendjes;sheh vuaj pasojat tani