Martesa sot është më me leverdi për meshkujt sesa për femrat

nga **WebMaster** Mon 4 Jul 2011 - 6:54

Të martohesh sot nuk të bind. Nëse ke një punë të mirë, një shtëpi, je e lirë dhe e lumtur, nuk ke pse te pretendosh për një mashkull në krahë. Pyetja që sot shumë femra i bëjnë vetes është: A ia vlen të martohesh? “Ja se ç’u ndodh grave pasi martohen. Shumica ndryshojnë tërësisht mënyrën e jetesës, punën, madje edhe sjelljen”, tregon shkrimtarja Elisabeth Gilbert në librin e saj bestseller “Eat, Pray, Love”.
Sipas përfundimit të saj, martesa sot është më me leverdi për meshkujt sesa për femrat. Për meshkujt e martuar studimet kanë treguar se jetojnë më gjatë se beqarët, grumbullojnë më shumë pasuri, janë më të kënaqur se beqarët, u rezistojnë alkoolit dhe drogave, vuajnë më pak nga depresioni. Për sa u përket femrave, avantazhet janë thuajse inekzistente: gratë martohen për dashuri, duke menduar se do të jenë më të lumtura. Për më tepër vuajnë më shumë nga ankthi sesa simotrat e tyre beqare. Kanë më pak sukses në punë dhe nivele stresi shumë më të larta se të pamartuarat. Për më tepër rrezikojnë të vdesin të vetmuara, për shkak të stilit të jetës.

Shkrimtarja Gilbert e cilëson si “marriage benefit imbalance”, çekuilibri i avantazheve martesore: gratë humbasin mundësitë, burrat fitojnë lotari. Një logjikë e papranueshme për vajzat e arsimuara, autonome, të mësuara që ia dalin vetë për gjithçka dhe të kenë në dorë frenat e jetës së tyre seksuale. “Dikur gratë martoheshin për t’u larguar nga babi, për të arritur prestigj dhe për t’u përmirësuar ekonomikisht. Të tria këto elemente sot nuk ekzistojnë më. Të martohesh nuk të sjell ndonjë leverdi të madhe. Sot nuk ka femra Hirushe që mezi presin princin e kaltër. Femrat gjenden në një pozicion të leverdishëm. Ka nga ato që martohen vetëm me ata meshkuj që i shtyjnë drejt aspiratave për të ecur sa më lart, në të kundërt nuk ngurrojnë dy herë për të kërkuar divorcin”, tregojnë psikologët.

Në vendet e Europës jo vetëm numri i ndarjeve dhe divorceve sa vjen e rritet, por edhe shifra e atyre që vendosin të ndahen pas një periudhe të shkurtër së bashku po rritet me shpejtësi. Në Itali, në 1000 martesa 272 përfundojnë në ndarje dhe vetëm 151 në divorce. Ndarja nuk njeh moshë dhe meqë martesat po shtyhen gjithmonë e për më vonë edhe të divorcuarit janë kryesisht më të moshuar.

nga **Space** Tue 5 Jul 2011 - 12:19

Ca leverdie kemi ne aman

nga Єямєℓiиdå Tue 5 Jul 2011 - 18:26

Martesa nuk duhet te quhet si dicka "me leverdi"...martesa DUHET te bazohet ne ndjenjen e dashurise...sepse perndryshe nuk zgjat. Studiuesit i humbin vleren gjithckaje..e sidmos ndjenjes me te bukur qe ekziston.

nga **Leo_uk** Tue 5 Jul 2011 - 18:56

aty mbaje mendjen ti... se ashtu eshte... qesh qesh qesh qesh

nga **Poeti Dhimbjes** Wed 6 Jul 2011 - 4:04

Edhe une jam i mendimit qe martesa nuk eshte aspak akt leverdie, por thjesht nje obligim i njeriut per tiu shtruar dhe perkushtuar ne nje menyre me te mire jeteses dhe njekohesishte edhe familjes.
Ata qe e shohin martesen si dicka per leverdi, kjo nuk mundet qe te quhet martese e denje, por thjesht nje marreveshje martesore per perfitime apo interesa te ndryshme personale ose dypaleshe.