Klinë, një i vdekur në aksident

Një person ka humbur jetën dhe katër të tjerë janë lënduar, në një ndeshje të rëndë komunikacioni që ka ndodhur, të dielën në orët e hershme të mëngjesit, në magjistralen Prishtinë-Pejë, në fshatin Poterq të Klinës.
Policia ka njoftuar se në këtë aksident në vendin e ngjarjes ka mbetur i vdekur një person rreth 27-vjeç nga fshati Lubeniq i Pejës, ndërsa lëndime trupore kanë pësuar katër pasagjerë që janë dërguar për trajtim në Spitalin e Pejës, ndërsa në mesin e tyre ka edhe fëmijë.
Në ketë aksident janë përfshirë dy automjete, Volkswagen Golf IV më targa të Ulqinit dhe Volkswagen Golf II më targa të Kosovës. Sipas hetimeve të para, dyshohet se deri të aksidenti ka ardhur kur vetura Golf IV është përplasur në veturën Golf II.
Drejtuesi i Golf IV, rreth 20 vjeçar, nga Peja, është arrestuar dhe me urdhër të Prokurorit është ndaluar. /