Soni konfirmon shtatzëninë

nga **Binni** Fri 15 Jul 2011 - 10:00

Edhe një tjetër këngëtare pritet të bëhet nënë e ajo është Soni Malaj.

Këngëtarja nga Shqipëria është duke pritur fëmijën e saj të parë. Lajmin e ka konfirmuar edhe vetë Soni e cila ka thënë për “Gazetën Shqiptare” se është shumë e lumtur me këtë përvojë.

“Me thënë të drejtën, barku akoma s’po duket edhe pse po hyj në muajin e katërt, siç duket ngaqë s’kam pasur fare dhe prej palestrës intensive që kam bërë duket një bark më se normal”.

“Unë jam në mbikëqyrje intensive nga mjekët këtu në Spanjë, pasi këtu ekziston një program i veçantë për gratë shtatzëna, ku të bëjnë të gjitha analizat e mundshme, të vënë në dispozicion mjekun e familjes, madje edhe psikolog”, ka thënë Soni, e cila tashmë prej një viti jeton në Spanjë së bashku me bashkëshortin Mirko.

Ndërkohë, sa i përket karrierës muzikore nga këngëtarja pritet shumë shpejt lansimi i këngës së re, të shkëputur nga albumi i fundit “Unik”, që quhet “Nën lëkurën tënde”. Albumi ka pasur një sukses të paparë dhe kënga pritet që të kthehet në një hit veror.