Iniciativat e reja ne Detroit jane shans edhe per emigracionin

nga **WebMaster** Fri 22 Jul 2011 - 7:23

Interviste e 24-ore.com me Diana Gellci, pedagoge e Antropologjise ne Universitetin Shteteror te qarkut Wayne ne Detroit, Michigan..24 Ore: Zonja Gëllçi, disa ditë më parë, në faqen tuaj në Facebook ju thate se përshëndesnit nismën e Governorit të Miçiganit, Snyder. A mund të bisedojmë pak më gjatë për këtë?Diana Gëllci: Me shumë kënaqësi..24 Orë: Cfarë ka interesante për shqiptarët në atë nismë?...Diana Gëllçi: Shteti i Miçiganit është një vend i njohur për industrinë e zhvillimit të makinave në të gjithë botën. Amerikanë të famshëm si Fordi, Madona, apo Eminem janë nga Miçigani. Vendi njohu një rrënje ekonomike më të madhe se pjesa tjetër e Amerikës për shkak të problemeve me industrinë e makinave. Qyeti i Detroitit për shembull, ka një largim të madh të popullsisë…
24 Orë: Largim?
Diana Gëllçi: Po, largim.
24 Orë: Ku kanë shkuar?
Diana Gëllci: Amerikanët janë njerëz shumë praktikë. Zakonisht ata shkojnë aty ku shohin më shumë mundësi për të jetuar më mirë.
24 Orë: Ju mendoni se shqiptarët nuk janë po aq praktikë?
Diana Gëllçi: Mendoj se njerëzit në përgjithësi janë praktikë kur është puna për një jetë më të mire. Ndryshimi qëndron se si e përjetojnë grupe të ndryshëm lëvizjen. Amerikanët e kanë atë pjesë të kultures. Tek lëvizja nga një vend tek tjetri, amerikanët shohin jetën, aventurën, kuriozitetin. Pastaj Amerika është shtet i madh dhe me hapësira, gjë që e bën lëvizjen të mundur. Por le të mbetemi në temë: Kryetari i Bashkisë së Detroitit Bing dhe Kryetari i Shtetit Snajder biseduan këto ditë rreth idesë së Kryetarit të Bashkisë së Nju Jorkut që emigrantët mund të jenë një nga zgjidhjet për qytetin e Detroitit. Në këtë kuptim, Snajder afroi idenë për të pranuar më shumë studentë të huaj në universitetet e vendit. Madje, çfarë m’u duk edhe më e rendësishme, ai hodhi idenë që pasi të mbarojnë shkollimin, këtyre studentëve t’ju jepet mundësia e punësimit në Miçigan. Gjërat janë siç kanë qënë, por është e rëndësishme që njerëzit që kanë pushtet mblidhen e diskutojnë për këtë gjë, aq më shumë kur kjo bëhët një nismë nga ana e Republikanëve që këtu në Amerikë deri më tash njihen si më të rreptë me emrigantët.