Njohja e 77-të për Kosovën vjen nga Afrika Qendrore

nga **Binni** Fri 22 Jul 2011 - 13:26

Republika e Afrikës Qendrore e ka njohur Kosovën shtet sovran dhe të pavarur. Kjo është njohja e 77 për Kosovën nga 193 vende anëtare të Organizatës së Kombeve të Bashkuara.
Njohja është konfirmuar nga zëvendëskryeministri i parë i Republikës së Kosovës, Behgjet Pacolli, i cili muajin e kaluar ishte në këtë shtet dhe disa shtete të tjera afrikane, me qëllim të shtimit të njohjeve për Kosovën.
Republika e Afrikës Qendrore, me rreth 4.5 milionë banorë ndodhet në qendër të kontinentit afrikanë, në Afrikën ekuatoriale. Në veri kufizohet nga Çadi, më tutje kufizohet me Sudanin, Republikën Demokratike të Kongos, Republikën e Kongos dhe me Kamerunin.