Vdekja e Amy Winehouse trondit botën

Vdekja e papritur e pop-këngëtares britanike ka tronditur botën.

Amy Winehouse, e cila i këndoi luftës së saj me alkoolin dhe drogën në hitin e njohur ndërkombëtar “Rehab”, është gjetur e vdekur në shtëpinë e saj në Londër. Policia nuk ka dhënë ndonjë deklaratë në lidhje me shkakun e vdekjes.

Duke reaguar ndaj lajmit, ylli amerikan, Toni Benet, e ka quajtur atë “artiste me përmasa të mëdha” dhe tha se është i pikëlluar thellë me vdekjen e saj tragjike, transmeton REL.

Akademia e Shteteve të Bashkuara, e cila ndan çmimin Grammy, tha se Winehouse ishte “një interpretuese dinamike, e cila kishte përzier rock-un, jazz-in, pop-in dhe shpirtin dhe kishte krijuar një tingull”.

Këngëtarja e ndjerë kishte fituar pesë çmime Grammy.

Me vdekjen e saj, Winehouse i bashkohet grupit të yjeve të famshëm të rock-ut, që ndërruan jetë në moshën 27-vjeçare. Klubi famëkeq “27” përfshin anëtarin e Rolling Stones, Brian Jons, kitaristin Jimmy Hendriks, këngëtarin Jenis Joplin, këngëtarin e grupit “The Doors”, Jim Morison, dhe Curt Cobain e “Nirvana”-s.

he se nga qejfi ka vdek(nga mbidoza);cte bej se kur te shoh zoti ndonje semundje por kur e ke nga qefi