Pushime luksoze me paratë e pengmarrjes

Policia bullgare arrestoi 5 shqiptarë, të cilët me paratë e pengmarrjes së një mjeku, bënin pushime luksoze në Turqi.
Pesë shqiptarë morën peng një mjek 67 vjeç, në Greqi, në afërsi të Atikës dhe i kërkuan 2 milionë euro në këmbim të lirisë.
5 shqiptarët e moshës 20 deri 28 vjeç rrëmbyen mjekun kardiolog, më 22 maj, të cilin pasi e rrahën, e futën në bagazhin e makinës së tij dhe e transferuan në një zonë të largët e të pyllëzuar pranë malit Merkourios, ku kishin improvizuar një dhomë për ta mbajtur.
Autorët e rrëmbimit komunikuan në telefon më të birin e mjekut dhe i kërkuan atij 2 milionë euro për të lënë pengun të lirë. Pas bisedimeve, familjarët e mjekut paguan 1 milionë e 300 mijë euro dhe pengmarrësit e liruan viktimën gjatë natës.
Policisë e Atikës hetoi ngjarjen dhe në bazë të bisedave telefonike dhe provave të tjera, identifikoi autorët dhe konstatoi se pas marrjes së parave, keqbërësit ishin në Shqipëri. Policia e Atikës në bashkëpunim me policinë shqiptare u vunë në kërkim të autorëve të krimit. Policia konstatoi se 5 rrëmbyesit ishin larguar më 8 korrik, në Turqi.

5 rrëmbyesit kaluan disa ditë në hotelet më luksoze të Stambollit dhe Antalias por policia nuk mundi t’i arrestojë në Turqi. 5 rrëmbyesit u arrestuan nga policia bullgare në Bullgari, pas një urdhërarresti ndërkombëtar, pranë kufirit me Maqedoninë. Ka nisur procedura për ekstradimin e 5 pengmarrësve drejt Greqisë.