Zvicerani Stohlker u kërkon falje kosovareve

Zvicerani Fider Stöhlker tërheq fjalët mbrapa, kërkon falje për fyerjen kolektive të bërë ndaj kosovarëve.Në një deklaratë me shkrim për 20min, Fidel Stöhlker ka zbutur tonin duke kërkuar falje publike ndaj shqiptarëve. Për dy fjalët e rënda ndaj kosovarëve, unë u kërkoj falje në të gjitha mënyrat", citohet Stöhlker, transmeton AlbInfo. Ai ka thënë se kuptohet që nuk ka të bëjë me të gjithë kosovarët , por për individë që janë të ndikuar negativisht nga krimi. Stöhkler është arsyetuar se vetëm ka shprehur shqetësimin që mos të kenë frikë nëse lëvizin lirshëm në Zvicër.

Fyerjet e Stöhlkerit mund të jenë të dënueshme. Kodi Penal i Zvicrës e ndalon denigrimin publik të një grupi njerëzish për shkak të përkatësisë së tyre etnike. Kështu ka thënë Marcel Niggli, profesor i të drejtës penale në Freiburg njëherësh edhe ekspert në fushën e anti-racizmit.

"Në këtë rast, është aq e qartë se prokurorët duhet të ngrejnë një padi penale.", ka thënë profesori për 20min.

Fyerjet më të rënda publike, deri më tash, pa dyshim, kanë ardhur nga kompania “Stöhkler & Partner”. Pronari i saj, Fider Stöhkler, ka lansuar fyerjet më poshtëruese dhe më të neveritshme në adresë të shqiptarëve.

Stöhkler citohet ti ketë quajtur kosovarët si njerëz “të egër, të pakulturuar, asocial dhe të pa-civilizuar”.Madje, ai ka shkuar aq larg sa, siç citohet, i ka quajtur shqiptarët si “jashtëqitje”. Stöhkler ka kritikuar politikat zviceriane ndaj emigrantëve, sidomos ndaj shqiptarëve. Po të me jepej mua rasti, do ta ndiqja nga Zvicra secilin kosovar”, citohet të ketë thënë ai.

Këto reagime në opinionin publik rezultuan pas akteve të fundit kriminale të kryera nga shqiptarët në Zvicët. Megjithatë, komuniteti i shqiptarëve në Zvicër i ka dënuar ashpër aktet e dhunës të kryera nga shqiptarët gjatë ditëve të fundit.

Ata janë distancuar nga çfarëdo akti kriminal të kryer nga bashkëkombësit e tyre,dhe kanë kundërshtuar fajësimin kolektiv të shqiptarëve për krimet e kryera nga individë.