Kinezi konstruktoi “pjatën fluturuese”

Fermeri kinez kreu fluturimin e parë me “pjatën fluturuese”, të cilën e konstruktoi vetë.
Shu Mansheng ka përfunduar vetëm shkollën fillore, por përkundër kësaj ai ka konstruktuar një fluturake, e cila mund të fluturojë në lartësinë deri në dy metra.

Ai i punoi të gjitha pjesët mekanike dhe elektrike, si dhe nëpërmjet njohurive shkencore krijoi fluturaken të cilën e quajti “pjatë fluturuese”. Fluturakja e tij vihet në lëvizje me ndihmën e tete motorëve të cilët janë të përforcuar me propeler.

Kjo nuk është hera e parë që ky fermer ka provuar shpikjet e reja. Shu ka shpenzuar rreth 7.000 euro për fluturaken e parë, të cilën e konstruktoi vitin e kaluar. Kjo fluturake nuk u tregua e suksesshme.



Pas testit të dështuar, Shu filloi ta punojë projektin e tij nga e para. Fluturakja e përmirësuar arriti më në fund të fluturojë. Shu planifikon një model të ri më të avancuar dhe shpreson se fëmijët nëpër shkolla do të jenë të interesuar për projekte të ngjashme. /

ou kinez ky