Vlorë, breshëri të shtënash në mes të qytetit

nga **WebMaster** Sat 27 Aug 2011 - 0:43

Terrorizohet qyteti i Vlorës mëngjesin e sotëm, pas të shtënave me armë zjarri në bulevardin kryesor. Dëshmitarë pohojnë se kanë dëgjuar të shtëna armësh, ndërsa të dhënat e para flasin për një person, i cili pasi ka zbritur nga një makinë, ka qëlluar me armë tip pistoletë në ajër në pozicion horizontal. Fatmirësisht nuk ka patur të njerëz të lënduar.Zona ka qenë mjaft e populluar, pasi ajo është e tillë edhe paraditeve, sidomos sot që ka qenë fundjavë dhe lëvizjet kanë qenë më të shumta. Njerëz të ndodhur në vendngjarje pohojnë se kanë parë një person të ecte në këmbë, i cili edhe ka qëlluar dhe më pas është futur në zonën pas pallateve, duke ju shmangur kalimit në rrugë kryesore.

Policia në vendin e ngjarjes

Nga gëzhojat e gjetura në territorin e kryqëzimit, mendohet që të jetë qëlluar nga një pistoletë e tipit Berretë. Ende policia nuk ka një version zyrtar për ngjarjen. Një mjet i parkuar është i dëmtuar nga plumbi. Nuk dihet ende autori, dhe aq më tepër motive, apo objektiv që mund të kenë patur të shtënat.

A. Peçi