Mbaj nen kontroll gjerat qe varen prej teje! Mos e vrit mendjen per ato qe nuk varen nga ty!

Autori i thënieve të mëposhtme është i panjohur, megjithatë ato janë të vlefshme për çdo kohë. Lexoje me vëmendje secilën prej tyre dhe pastaj përtype e ripërtype duke u përpjekur ta adoptosh për situata të ndryshme në jetën tënde personale e profesionale:

Ti nuk mund të dish gjatësinë e jetës tënde, por ti mund të kesh nën kontroll gjerësinë dhe thellësinë e saj.
Ti nuk mund të kesh nën kontroll motin, por ti mund të mbash nën kontroll atmosferën morale që të rrethon.
Ti nuk mund të ndikosh në mundësitë që i ofrohen dikujt tjetër, por ti mund të shfrytëzosh sa më mirë mundësitë që të ofrohen ty.
Ti nuk ke kontroll mbi të ardhurat e mëdha që kanë shokët e tu, por ti mund të menaxhosh me zgjuarsi të ardhurat e tua modeste.
Ti nuk ke se ç’bën për gabimet apo veset e shëmtuara të dikujt tjetër, por ti ke mundësinë që të mos zhvillosh në veten tënde qëndrime e sjellje që mund t’i bezdisin të tjerët.
Ti nuk ndikon dot në fatkeqësitë natyrore si për shembull përmbytjet, por ti mund të krijosh rezerva për t’i përdorur në raste të tilla.
Ti nuk je në gjëndje të ndikosh mbi distancën e kokës tënde nga toka (gjatësinë e trupit), por ti mund të ndikosh në cilësinë e mendimeve brenda saj.
Atëherë, përse u dashka të shqetësohesh për gjëra që janë jashtë kontrollit tënd? Më mirë merru me ato që varen prej teje!

Mos e prish gjakun për rrethana që ti nuk mund t’i ndryshosh dot. Përqendrohu në ato gjëra që ti je në gjendje t’i ndryshosh.

Un do ta vras mendjen vetem per gjerat qe me interesojne mua,dhe jo per ato qe mendojne te tjeret per mua(te shoh jeten time).