Vlorë, nëna lehonë hedh foshnjen nga kati III, tenton të vetëvritet

nga **WebMaster** Tue 13 Sep 2011 - 9:52

Një tragjedi familjare ka ndodhur mesnatën e sotme rreth orës 3:00 të mëngjesit të sotëm në qytetin bregdetar të Vlorës. Ai që do ishte gëzimi i parë familjar, është kthyer në vdekje.

Një nënë e re 25-vjecare ka hedhur foshnjen e saj të sapolindur nga kati i tretë i maternitetit, ndërkohë që më pas ka tentuar të vrasë veten, duke u vetëhedhur edhe vetë. Foshnja dy ditëshe nuk ka mundur ti mbijetojë tronditjes dhe plagëve të marra nga lartësia e madhe, si pasojë ka vdekur në moment.

Ngjarjen tronditëse e konfirmon drejtori i Maternitetit të Vlorës, Besnik Elezi.Në një linjë telefonike për NEWS24, Elezi konfirmon se nëna 25-vjecare ka hedhur nga kati i tretë i maternitetit foshnjen e saj të sapolindur të seksit mashkull dhe më pas në kushtet e depresionit është hedhur edhe vetë.

“Në datën 12 paradite 25 vjecarja Eglantina Mece, solli në jetë fëmijën e saj me një lindje normale. Fëmija i seksit mashkull gëzonte shëndet të plotë bashkë me nënën. Nëna e re mesnatën e sotme rreth orës 3:00 ka hedhur fëmijën nga akti i tretë dhe më pas është vetëhedhur dhe veteë. Pas ekzaminimeve nëna është është në gjendje të rëndë , por jashtë rrezikut për jetën. Nënë është e re lindi për herë të parë. Nga mjekët që kanë ndjekur shtazaninë e saj , mendohet se ka pasur pobleme neuropsikoze”,- sqaron Elezi.

Pasi ka kryer lindjen 25-vjecarja ka lajmëruar bashkëshortin e saj që ta marrë, ndërkohë pak minuta para mbërritjes së babait të ri, ka hedhur bebin dhe më pas ështe vetëhedhur. Bashkëshorti, i cili priste lindjen e fëmijës së tij të parë është tronditur nga skena makabre.

Ngjarja e rëndë ka përhapur panik tek nënat e shtruara në maternitet, por edhe te qytetarët vlonjat. 25-vjecarja, e cila i hoqi mundësinë vetes të jetë nënë e një foshnje mashkull të lindur në shëndet të plotë raportohet të jetë ne gjendje të rëndë shëndetësore dhe për momentin është nën kujdesin e mjekëve neuropsikiatër, të cilët po përpiqen të kuptojnë motivet që e shtynë drejt një krimi të tillë.

Policia njofton se ka marrë në pyetje të afërmit dhe prindërit e 25-vjecares të cilët kanë dëshumuar se vajza nuk ka paraqitur më parë probleme psikologjike.

Bashkëshorti i cili është marrë në pyetje i tronditur ka deklaruar se nuk ka pasur probleme të mëdha në cift, por probleme si cdo cift. Ndërkohë pritet që nëna të merret në pyetje pasi të qetësohet gjatë orëve të mbrëmjes.