Drenusha Latifi, e zhgënjyer me “Kënga magjike”

Shumë këngëtarë nuk janë duke e pëlqyer mënyrën e aplikimit në festivalin “Kënga Magjike”. Sipas tyre pengesa kryesore është “njoftësia”, gjë e cila është duke i irrituar shumë këngëtarët, në mesin e tyre edhe Drenusha Latifin.

Kënga “Future Love” e përgatitur nga Florent Boshnjaku dhe me tekst të Big Bastës, e interpretuar nga Drenusha Latifi, nuk do të hyjë në garë në festivalin “Kënga Magjike”. Këtë vendim Drenusha e mori menjëherë pas bisedimeve që kishte me organizatorët e këtij festivali, nga të cilët është zhgënjyer.

“Tani kam përshtypjen se edhe në festivalin ‘Kënga Magjike’ po manipulohen këngëtarët. Për herë të dytë desha të marr pjesë në këtë festival për të cilin kam pasur përshtypje të mira deri më tani, mirëpo tash jam e zhgënjyer”.

“Këtë vit konkurrova me këngën ‘Future Love’, një këngë mjaft e mirë për nga kritikët e këngës dhe në momentin e fundit më lajmëruan nga stafi i ‘Këngës Magjike’ se kënga për të kaluar më tej në finale fillimisht duhet t’i plotësojë disa kritere, që për mua kjo është absurde”.

“Sipas tyre, kënga duhet të testohet mirë dhe më pas të vazhdojë më tutje. Me të kuptuar qëllimin e organizatorëve jam tërhequr nga gara dhe tani nuk do të jem pjesë e “Këngës Magjike”, ka thënë ajo për “Zëri.

Sipas Drenushës, kënga tani së shpejti do ta ketë edhe videoklipin, të cilin do ta realizojë Top Chanel.

“I falënderohem Top Chanel-it, i cili ka marrë përsipër realizimin e videoklipit të kësaj kënge. Ata e kanë vlerësuar se kënga ka nevojë edhe për një videoklip, të cilin do ta përgatisim në Shqipëri ose diku jashtë vendit”, shton ajo./

cti bejsh ndahen me hile cmimet..............