Nis prodhimi i pasaportave biometrike

Ministri i Punëve të Brendshme, Bajram Rexhepi, ka marrë pjesë në ceremoninë e fillimit të prodhimit të pasaportave biometrike të Republikës së Kosovës, që bëhet nga një kompani austriake. Në këtë ceremoni, drejtuesit e kompanisë austriake OESD, kompania e angazhuar për prodhimin e pasaportave biometrike, i dorëzuan ministrit Rexhepi edhe zyrtarisht pasaportën e parë të këtij lloji. Prodhimi i pasaportave biometrike do të bëhet në Austri, ndërsa personalizmi i tyre do të bëhet në Departamentin për Prodhimin e Dokumenteve të MPB-së. Në njoftimin për media të kësaj ministrie, thuhet se qytetarët e Kosovës do të kenë mundësi që të pajisen me pasaporta biometrik që nga muaji tetor i këtij viti.

Rexhepi me këtë rast tha se, “me fillimin e prodhimit të pasaportave biometrike të Republikës së Kosovës, është bërë edhe një hap tjetër në përmbushjen e obligimeve që ka Kosova në rrugën e saj evropiane, në procesin e liberalizmit të vizave dhe lëvizjen e lirë të qytetarëve të Republikës së Kosovës”.

Ai siguroi se këto pasaporta janë të nivelit më të lartë dhe përmbajnë elementet më të sofistikuara sa i përket sigurisë së tyre dhe se janë të njëjta si të gjitha pasaportat biometrike të shteteve të BE-së.

Ministria e Brendshme ka paraparë, që brenda 3 vjetëve të prodhohen më tepër se 1 milion e 300 mijë pasaporta biometrike, që do të jenë të mjaftueshme, që të gjithë qytetarët e vendit të pajisen me këto dokumente.

Hajde me hajer me ne fund ....shpresoj te jet e vertet se jemi ngopur me genjeshtrat e politikaneve tane ....se ka mbet si nje VRIME E ZEZE Kosova....e vetme pa pasaporta biometrike....

Faleminderit Pishtimi per kete lajm qe me dhe ti mua qe ta postoj ..Tani po shikoja ne lajmet e gazetave edhe thone qe eshte aprovuar kjo gje prandaj hajde me verte me kom te mbare per te gjithe ..