U ritakuan pas 65 vjeshtës dhe lidhën martesë

nga Emona Sat 24 Sep 2011 - 1:20

Mary Lyness (81) dhe John Akins (81), të cilët nuk ishin parë 65 vjet, u martuan pasi kishin rigjetur njëri tjetrin përmes internetit.

Ata ishin njohur kur ishin shtatëvjeçar, dhe kishin qenë të pandashëm deri sa Johni kishte mbushr 15 vjet dhe u ishte bashkuar forcave mbretërore të aviacionit RAF, ku kishte punuar në cilësinë e avio-teknikut.

“I druaja ritakimit, sepse tash kam shumë rrudha, por vajza më ngushëllonte me fjalët se edhe ai do të jetë plakur”, thotë Mary. “Jam aq e lumtur që jemi gjetur, meqë është aq i këndshëm dhe i bukur siç ka qenë dikur”.

Pas ritakimit, dashuria e vjetër sërish ka shpërthyer dhe është kurorëzuar me lidhje martese, në të cilën morën pjesë 200 të ftuar. Ceremonia solemne është zhvilluar në kishën eparike të Keighley në Yorkshire Perëndimore.

“Jam aq e lumtur, koha është zbukuruar dhe të gjithë erdhën të festojnë bashkë me ne” deklaroi zonja e re Akins. “Sytë e Johnit ishin të mbushur me lot kur bashkë me të hyra në kishë, jemi të stërlumtur që pas gjithë aq vitesh më në fund lidhem martesë”, thotë Mary.

Anëtarët e familjeve të çiftit të lumtur, të cilët gjithmonë kishin besuar se ata të dy një ditë do të ritakoheshin, kanë bashkuar forcat dhe ua kanë paguar udhëtimin tetëditësh nëpër Skoci. Muajin e mjaltit do ta përsërisin në prill të vitit të ardhshëm, kur do të shkojnë në lundrim nëpër Mesdhe.

“Po ndihem si t’i kisha sërish 21 vjet. Kur më vdiq burri i parë, mendova kurrë s’do të martohem më, por... Pse jo?! Johni dhe unë do të jetojmë 100 vjet, kemi edhe shumë kohë të bëjmë qejf bashkë.”