J.Lo e papërmbajtshme me kërcime joshëse

nga Emona Tue 27 Sep 2011 - 4:17

Dihet që qyteti i Nevadas është një nga kryeqytetet botërore të jetës së natës. Po ashtu nuk ka nevojë të përsëritet se Jennifer Lopez është një nga 40-vjeçaret më në formë të planetit. Kështu që gjatë fundjavës së kaluar nuk kishte si të mos binte në sytë e paparacit në Las Vegas.

Fillimisht, këngëtarja këndoi në një koncert me një energji të pabesueshme në skenën e “iHeart Radio Music Festival”. Pastaj është shfaqur gjithmonë e më e papërmbajtshme në festën e zhvilluar në klubin “Pure” brenda Caesars Palace, transmeton ikub.

Me një mini-fustan për t’i dhënë më tepër vlerë formave që e kanë bërë edhe më të famshme, Lopez i është përkushtuar kërcimeve për orë e orë të tëra. Që kur vendosi për divorcin nga i shoqi Marc Anthony, diva nuk humbet rastin për t’u fotografuar teksa dëfrehet.

Duket se kjo është një mënyrë për të shfryrë të gjithë depresionin post-ndarje dhe të bërtasë në sytë e botës se ajo mbetet gjithmonë J.Lo që të gjithë njohin. Faktikisht, ka treguar vërtet se zotëron risi jashtë të zakonshmes, për të qenë një nënë e sapondarë. J.Lo e papërmbajtshme me kërcime joshëse 3jl