Ndërtohet truri sintetik

Një ekip studiuesish në universitetin e Tel Avivit, i drejtuar nga profesor Mati Minc, ka arritur të ndërtojë një tru të vogël sintetik që mund të marrë inpute sensoriale nga truri, t’i analizojë dhe rikthej informacion në pjesët tjera të trurit.

Mjeti funksionon te minjtë dhe ka arritur të rikthejë disa funksione të trurit, i cili ishte i dëmtuar.

Gjithsesi, gjëja më e rëndësishme është se eksperimenti ka arritur të verifikojë se komunikimi tru-makinë funksionon në një mënyrë bi-direksionale, me makinën që merr informacione nga truri, i analizon dhe ia rikthen prapë trurit.

Kjo vërteton se tashmë mund të regjistrojmë informacionet nga truri, t’i analizojmë dhe t’ia rikthejmë atij, që paraqet një mundësi për t’i regjistruar kujtimet tona.