Ushtrimet fizike të forcojnë trurin

nga altruisti Tue 4 Oct 2011 - 20:30

Dihet prej kohësh që ushtrimet fizike mbajnë në formë edhe trurin, por
një studim i ri i universitetit të Karolinës së jugut tregon se
ushtrimet forcojnë trurin duke krijuar mitokondri (lënda ushqyese e
qelizave) të re në tru. Studimi është kryer mbi minjtë, por besohet se
ka të njëjtin efekt edhe te njerëzit.

Studiuesit testuan dy
grupe minjsh, një që kryente një orë ushtrime në ditë dhe një tjetër që
nuk kryente asnjë aktivitet fizik.

Kur studiuesit ekzaminuan
pjesë të ndryshme të trurit të minjve që kryen aktivitet fizik, ata
vëzhguan rritje të nivelit të mitokondrisë në të gjithë trurin. Disa
pjesë të trurit treguan më tepër aktivitet se të tjerat, por në secilën
kishte një rritje të mitokondrisë. Në minjtë që nuk kryen aktivitet nuk
pati asnjë ndryshim.

Sipas profesor J. Mark Davis: “Në studime
të tjera ka rezultuar se deficiti i mitokondrisë në tru luan një rol të
rëndësishëm në zhvillimin e sëmundjeve neuro-degjenerative, duke
përfshirë këtu Alcaimerin dhe Parkinsonin. Rezerva më të mëdha
mitokondrie në tru parandalojnë formimin e këtyre sëmundjeve”.