Kolesteroli,sa jeni te informuar per efektet e tij

nga **kasperi** Thu 20 Oct 2011 - 1:59

Kolesteroli,sa jeni te informuar per efektet e tij

Kolesteroli është një lëndë që gjendet në shumë pjesë të trupit. Trupi ynë me anë të tij prodhon hormone (kortizoni, hormonet seksuale), vitaminën D dhe acidet e bilës që tresin yndyrnat.Kur kolesteroli tejkalon sasinë e duhur ai grumbullohet nëpër damarë duke krijuar bllokim të tyre (aterosklerozën). Dëmet e këtij problemi varen se damarët e cilit organ të trupit janë bllokuar. Nëse janë bllokuar ata të zemrës p.sh fillojnë dhimbjet e forta të kraharorit e kështu me rradhë. Kolesteroli në kushte normale nuk tretet në ujë që do të thotë që nuk tretet as në gjak i cili përmban veçoritë e ujit. Për tu tretur dhe transportuar në gjak ai ka nevojë disa proteina të prodhuara në mëlçi të quajtura lipoproteina. Dy më të rëndësishmet janë LDL (low density lipoprotein , lipoproteina me dencitet të ulët) dhe HDL (high density lipoprotein, lipoproteina me dencitet të lartë). Kolesteroli i mirë quhet ai HDL kurse i dëmshëm ai LDL. Edhe TG (trigliceridet) janë një tjetër lëndë e cila duhet të matet kur bëhet fjalë për sëmundjet metbolike të yndyrnave por lidhja e saj me aterosklerozën nuk është aq sa e kolesterolit. Të paturit e kolesterolit total dhe atij LDL të lartë sëhtë një risk për njeriun dhe gjithashtu rënia nën nivel e HDL-së.

Sa duhet të jenë vlerat e kolesterolit total?
Mbi moshën 20 vjeç:
200 mg/dl është niveli i kërkuar
200-239 mg/dl në kufi i lartë
>240 mg/dl është i lartë

Vlerat e LDL?
<130 mg/dl niveli i duhur
130-159 ilartë në kufi

Vlerat e HDL?
<35 është i ulur (mesatarja tek femrat eshtë 55mg/dl kurse tek meshkujt 45mg/dl)

Vlerat e TG?
<200 md/dl dëshirohet të jetë.
200-400 mg/dl i lartë në kufi
>400 mg/dl i lartë

Nëse kolesteroli rritet në gjak kjo tregon për një problem të metabolizmës së yndyrnave. Duhen bërë analizat e kolesterolit total, atij LDL, HDL dhe TG minimumi dy herë nëse mendohet për një kurë. Për kurë merret bazë vlera e LDL-së.