Adelina Tahiri: Lorik Cana nuk meriton ti kushtosh një këngë

“Meshkujt dhe gazetat nuk po më lënë rehat”. Me këtë shprehje këngëtarja seksi Adelina Tahiri ka dashur të përshkruajë këto muajt e fundit, pas përflojes për lidhje intime me mesfushorin e kombëtares Lorik Cana.Edhe pse 19-vjeçarja me sy të shkruar nuk e ka pranuar asnjëherë që ka qenë e lidhur me Canën, lajmet për dyshen kanë “pushtuar” faqet rozë të medieve gjatë gjithë verës, mesa duket edhe tani në vjeshtë.Historia vijon me këngën “Ti mos u kthe”, me të cilën Adelina konkurron në “Top Fest”, e për të cilën aludohet se i është kushtuar futbollistit të Lacios, ose Adrian Gaxhës, këngëtarit që së fundmi është fejuar me moderatoren e “Top Channel”, Luana Vjollca.Thuhet se Adelina e ka simpatizuar jashtëzakonisht shumë këngëtarin nga Shkupi. E pyetur në lidhje me këto thashetheme, Adelina reagoi kështu: “Hahaha, deri dje shkruanin për Lorikun, tani na doli për Adrianin! Për asnjërin prej tyre nuk është bërë kjo këngë.Kënga i dedikohet publikut dhe askujt tjetër sepse askush nuk e meriton t’i kushtosh këngë veç publikut. Pra, Adrian Gaxha nuk ka të bëjë aspak me këtë temë dhe ju lutem, mjaft me këto thashetheme të kota!”.

atehere pse flet kot.