Cyborg? Egzistojnë, është një mi dhe ka një chip në vend të trurit të vogël

Ka lindur i pari cyborg i vërtetë. Nuk bëhet fjalë për një njeri që ka një chip të futur në krahun e tij, i dobishëm vetëm sa për të hapur portat, për të dialoguar me një kompjuter apo për të kujtuar të dhënat. Të gjitha këto ishin tashmë të mundura (nëse nuk e dinit). Ndërsa është tentativa e parë për të bërë një sintezë ndërmjet organizmave biologjikë e sistemeve artificialë, siç është parashikuar në romanet fantastikë të William Gibson.

Cyborg-u në fjalë ekziston dhe ka një chip që zëvendëson disa funksione të trurit, që përgjigjet ndaj stimujve dhe komandave të pjesëve të tjera të trurit dhe periferisë së trupit, dhe që komandohet në mënyrë autonome. Bëhet fjalë pra për një instrument fleksibël, që lejon një modelim të stimulit, që udhëton në të dyja drejtimet, dhe jo vetëm drejt ose nga subjekti.

Tani për tani cyborg-u është vetëm një mi por duke parë rezultatet është shumë e mundur që kjo teknologji të përdoret dhe mbi njerëzit.

Truri artificial është ndërtuar nga kërkuesit e Universitetit të Tel Avivit.

(adisin/BalkanWeb)