Kritikë e shkrimtarë të 18 vendeve kundër rishkrimit të historisë shqiptare

- Unioni i Shkrimtarëve dhe Kritikëve Shqiptarë është i shqetësuar nga tentativat e shtetit të Turqisë për rishikimin, korigjimin apo ndryshimin e teksteve shkollore lidhur me historinë tonë kombëtare, thuhet në një peticion të këtij Unioni, të nënshkruar nga shkrimtarë e kritikë letrarë, të mbledhur kohë më parë Lesbos të Greqisë.

Unioni i Shkrimtarëve dhe Kritikëve Shqiptarë, do bëjë të gjitha përpjekjet që asnjë shtetit të huaj të mos i lejohet t’i imponojë shqiptarëve që Perandoria Otomane të quhet çliruese kur ajo nenshtroi trevat tona permes: vrasjeve, dhunës, djegieve, burgosjeve dhe shpërnguljeve masive (mbi 500 mijë shqiptarë u shpërngulën në Kalabri).

Unioni i Shkrimtarëve dhe Kritikëve Shqiptarë do të bëjë të gjitha përpjekjet që figura e Gjergj Kastrioti Skenderbeu, i cili dekada me radhë luftoi kundër Perandorisë Otomane, të mos njolloset e të quhet tradhtar.

Unioni i Shkrimtarëve dhe Kritikëve Shqiptarë, do të bëjë të gjitha përpjekjet që nga tekstet shkollore dhe nga letërsia të mos hiqen luftëtarët të cilët luftuan kundër pushtuesve të Perandorisë Otomane.

Unioni i Shkrimtarëve dhe Kritikëve Shqiptarë, respekton popullin turk, kulturën e tyre, bashkëpunime reciproke në të gjitha sferat e kulturës, shkencës... , por çdo tentim për të rishkruar, korrigjuar dhe ndryshuar historinë, është krim mbi vlerat e së kaluarës dhe të tashmes.

Unioni i Shkrimtarëve dhe Kritikëve Shqiptarë, fton të gjithë intelektualët shqiptarë dhe popullin t’i bashkëngjiten këtij peticioni, i cili është nënshkruar nga kritikë e shkrimtarë të 18 shteteve të përfaqësuara në Kongresin e Kritikës Literare në Lesbos, më 30 tetor 2011: ICHIRO SAITO, shkrimtar, kritik dhe prof. Në Universitetin e Tokios, Chio Sakamoto , shkrimtare, kritik dhe prof. Në Universitetin Kobe, Japoni, Bluma Filkenstein, shkrimtare, kritik, prof. në Haifa, Izrael, Anna Nasilowska, shkrimtare, kritik prof. në Varshavë, Beheli Quenum, shkrimtar, Unioni Afrikan, Kostas Valetas, shkrimtar, kritik, Greqi, Aleksander Asla, kritik, Ukrainë, Jannette Juselle, shkrimtare, Zvicër, Apostolos Gonthilis, shkrimtar, kritik, Greqi, Janot Tellaton, shkrimtare, Francë, Xarjo Anias, shkrimtar, Qipro, dhe të tjerë.