Perleshje ne Kalane e Shkupit mes shqiptareve dhe maqedonasve,mbrojtje kunder falsifikimit te historise e vertete

Dy policë të lënduar dhe 6 protestues është bilanci i përleshjes së sotme në Kala të Shkupit e provokuar nga një grup maqedonas të cilët gjatë ditës së djeshme nëpërmes rrjetit të internetit Facebook, bënë thirrje për të penguar protestën paralajmëruar nga 18 shoqata joqeveritare shqiptare te kryesuara nga Lëvizja ‘Zgjohu’ në mënyrë të rregullt. Protesta e zgjohu ishte paralajmëruar për në ora 13:00, derisa grupi i maqedonasve erdhi në Kala gjysmë ore më herët, me qëllim të siç u shpreh kryetari i Zgjohu Artan Grubi, shkaktimit të incidenteve.
Situata doli nga kontrolli pasi policia nuk arriti në mënyrë më të mirë të menaxhojë situatën . Pjesëtarët e policisë speciale edhe pse ishin të pranishëm në vendin e ngjarjes intervenuan pothuajse në fund të përleshjes midis dy grupeve. Në valën e përleshjeve forcat policore ndaluan disa nga protestuesit të Lëvizjes ‘Zgjohu’ të cilët falë intervenimit të zv/ ministrit për punë të brendshme Xhevat Buçi dhe disa deputetëve shqiptarë të rethit të Shkupit, u liruan menjëherë. Protestuesit shqiptarë më pas u ngjitën në kala për të mbajtur pres konferencën e paralajmëruar ditë më parë.
“Pas provokimeve të radhës po bëhen 5 vite që po na provokojnë një pas një, edhe provuan në mënyrë tinzare, qashtu siç dinë me punua vetëm natën, me na e vjedh kalanë tonë, por erdhëm dhe e fituam, kjo betejë është e jona. Sinqerisht ju falënderoj shumë, ata e treguan mënyrën e vetë se si punojnë, si veprojnë, punojnë natën,vinë ta vjedhin kalanë, e falsifikojnë historinë, na interesojnë vlerat tona. Por ne e dimë se kush jemi, na s’kemi krizë të identitetit, andaj në mënyrë dinjitoze do të shpërndahemi këtu, por jemi këtu gjithmonë kur duhet ta mbrojmë shqiptarinë në Shkup, do ët jemi këtu”, u shpreh Artan Grubi, kryetar i ‘Zgjohu’, Artan Grubi, kryetarë i ‘Zgjohu’.
Grubi për incidentin akuzoi grupin maqedonas, të cilët kishin të vetmin qëllim, shkaktimin e incidentit.
“Dje I pamë virtualishtë që u organizuan në internet, po kam përshtypjen se kjo është një seri që e kemi pa edhe në të kaluarën, që kundër protesta ndaj protestave tona janë organizuar edhe kur protestonim për projektin Shkupi 2014. Ato që e përkrahin këtë projekt janë ato që e kanë organizuar këtë kundër protestë që në fakt ishte e paralajmëruar dhe që në fakt kishte vetëm për qëllim që të përleshen me ne. “do të thotë u sulmuam, jo vetëm unë por shumica dërmuese prej nesh në përpjekjet tona për ti ndal turmat, dhe në përpjekjet tona për tu organizuar, për tu ndarë me njëri tjetrin, ato na sulmuan dhe kishin me vete thika, kishin me vete shufra gome policore dhe gjuanin me gurë gjatë gjithë kohës ndaj nesh dhe tre gurë prej tyre ranë mbi trupin tim dhe mbi shumë aktivistë tanë”, Artan Grubi, kryetarë i ‘Zgjohu’
Grubi nga ana tjetër akuzoi edhe qeverinë , e cila me veprimet e saja solli deri tek esaklimi i situatës.
“Ne jemi ata që mund të protestojmë dhe të ngrisim zërin kundër një falsifikimi të tillë të historisë këtu në këtë vend dhe do të ngrisim zërin gjithmonë kur ka nevojë. Ne jemi me popullin, populli është me ne në këtë dhe uroj që Qeveria e RM-së mos ta përsëris historinë e kalasë së Rozafës dhe ti bën kurban marrëdhëniet ndëretnike dhe ndërfetare midis shqiptarëve dhe maqedonasve në këtë vend, me marrëzinë e quajtur Kisha në Kala”, theksoi Artan Grubi, kryetarë i ‘Zgjohu’.
Ndërkohë nga Ministria e Brendshme në një komunikatë për shtyp njoftojnë se gjatë incidentit në Kala janë lënduar 2 polic dhe 6 persona të moshës nga 13 deri 24 vjeç.
“Dy zyrtarë të policisë kanë marrë lëndime nga gjuajtjet me gurrë, ndërkohë që edhe 6 persona të moshës nga 13 deri 26 vjeç janë lënduar në incidentin e sotëm në Kala të Shkupit, në të cilin kanë marrë pjesë qindra protestues nga të dyja grupet, të cilat kanë filluar përleshjet mes vete me gjuajtje gurësh.. Deri tek incidenti I cili ka ndodhur reth orës 13:15 minuta, ka ardhur në momentin kur në Kala janë takuar të dy grupet që kanë protestuar pro dhe kundër ndërtimit të objekti në Kala”, thuhet në komunikatën për shtyp të lëshuar nga MPB-ja, për të shtuar se ditëve në vijim në bazë të materialeve të incizuara, do të thirren pjesëmarrësit e incidentit në biseda informative. Bedri Rexhallari
Alsat-M.

Ndiq linkun per te pare incizimin e perleshjes.
http://alsat-m.tv/lajme/vendi/50019.html

“Kjo kishë do të jetë varri ku do të varrosen marrëdhëniet ndëretnike dhe ndërreligjioze në Maqedoni. Përpara kësaj kishe besoj se do të duhet të përgjigjen të gjithë qytetarët e Maqedonisë se a mund të ekzistojë ky shtet. Ky shtet gjithnjë e më shumë i afrohet ditës ku formohet bindja se ai është e pamundur të qëndroj në këmbët e veta”, deklaroi analisti Kim Mehmeti.